10. bekkur Borgarhólsskóla frumsýnir Jóladagatalið
10. bekkur Borgarhólsskóla er þessa dagana að renna í gegnum síðustu æfingarnar á leikritinu Jóladagatalið. Blaðamaður Skarps og Vikudags leit við á æfingu í gær og gat ekki betur séð en að rennslið væri að verða nokkuð gott hjá krökkunum; enda ekki seinna vænna Því frumsýning er annaðkvöld, 8. desember klukkan 18:15 í Samkomuhúsinu á Húsavík.
Leikstjórn er í höndum hins þrautreynda leikstjóra, leikara og uppistandara, Jóhanns Kristins Gunnarssonar. Við báðum hann um að segja okkur aðeins frá því um hvað verkið fjallar:
„Vandræði í Jólasveinahellinum! Það er oft ansi mikið að gera þegar líða fer að jólum. Mörg verk sem þarf að klára og stundum erfitt að henda reiður á hvað skal gera næst. Grýla, Leppalúði og jólasveinarnir eru auðvitað önnum kafin að undirbúa jólin og hafa alltaf nóg að gera í desember. Til þess að vita hvað á að gera á hverjum degi hafa þau gamalt jóladagatal sem leiðbeinir þeim í verkunum. Á hverjum degi opnar Grýla gamlan kistil sem geymir dagatalið.
Við fáum að kíkja í heimsókn í Jólasveinahellinn þann dag sem eitthvað er ekki eins og það á að vera. Allir vita að án jóladagatalsins í Jólasveinahelli koma engin jól! Hvað gerist þennan dag í hellinum? Hvað blasir við þeim þegar þau opna gamla kistilinn?
Það er alltaf mikið um að vera í Jólasveinahelli og ekki minnkar það þennan daginn. Sjáum hvernig jólasveinarnir takast á við vandræðin sem upp koma. Skyldu þeir finna mannabarn til að hjálpa þeim? Leppalúði segir að það sé nauðsynlegt!
Hver er þessi Trölli í Kinnarfjöllum? Hvað gerði hann svona slæmt sem gæti komið í veg fyrir að jólin kæmu þetta árið? Fylgjumst með spennandi degi uppí fjöllunum sem inniheldur fjör í Jólasveinahelli, hættuför í Tröllahelli og margt fleira!
Allt þetta í Gamla Samkomuhúsinu okkar á Húsavík“.
Frumsýning er sem áður segir 8. desember kl: 18:15
Miðapantanir í síma 4641129 tveimur tímum fyrir sýningu. Einnig er hægt að senda póst á ada@borgarholsskoli.is
Nýjast
-
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni.
