20. nóvember - 27. nóvember - Tbl 47
Tilvera í lit
Svavar Alfreð Jónsson.
Með hverjum deginum styttist í að ég komist á sjötugsaldur. Ég man því tímana tvenna. Ekki er nóg með að ég hafi lifað sjónvarpslausa fimmtudaga og júlímánuði, fyrstu átta ár ævi minnar voru alveg sjónvarpslaus ef frá eru talin örfá skipti þegar ég sá Bonanza í Kananum í heimsóknum fjölskyldunnar til bróður pabba í Keflavík.
Þegar sjónvarpsútsendingar fóru að nást hér norðan heiða á ofanverðum sjöunda áratug síðustu aldar var myndin svarthvít. Árið 1975 var farið að senda út í lit. Það var umdeild ákvörðun. Höfðu sumir af því áhyggjur að landsmenn eyddu öllum gjaldeyrisforðanum í litasjónvörp og við blasti þjóðargjaldþrot.
Gömlu dagarnir voru góðir en þótt það kosti sitt finnst mér samt betra að hafa tilveruna í lit en svarthvíta. Ég er líka þakklátur fyrir að nú er mannlífið litskrúðugra en þá. Eitt sinn voru til dæmis allir gagnkynhneigðir og ekki langt síðan samkynhneigð varð viðurkenndur möguleiki. Nú er ég löngu hættur að hafa tölu á kynhneigðum fólks. Mannkynið er líka hætt að skiptast bara í kvenkyns og karlkyns. Fólk er af ótal kynjum. Hvert kyn er síðan hægt að margfalda með nokkrum mögulegum kynhneigðum. Sé öllum blætunum bætt inn í jöfnuna verða möguleikarnir nánast óendanlegir og þessi flóra eins og fallegt beð í Lystigarðinum. Það er dásamlegur vitnisburður um margbreytileika mannskepnunnar.
Nú er svo komið að ég sem gagnkynhneigður karl er orðinn í algjörum minnihluta í hópi kollega í mínum heimabæ. Það er bæði einmanalegt og óspennandi hlutskipti enda verður sífellt algengara að fólk finni hjá sér þörf til að hughreysta mig vegna minnar daufu tilveru.
Um helgina hitti ég gamlan vin minn sem vék að mér nokkrum vel völdum huggunarorðum en spurði svo hvort það væri ekki sterkur leikur í ljósi nýjasta útspils Fræðsludeildar þjóðkirkjunnar að ég skellti mér í brjóstastækkun.
-Svavar Alfreð Jónsson
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
