Íslandsþari til Húsavíkur
Katrín Sigurjónsdóttir skrifar
Í nokkra mánuði hafa málefni Íslandsþara verið til umfjöllunar í stjórnkerfi Norðurþings eftir að fyrirtækið sóttist eftir lóð á hafnarsvæði H2 á Norðurgarði Húsavíkurhafnar undir fyrirhugaða starfsemi sína.
Sú fyrirhugaða starfsemi felst í slætti á stórþara úti fyrir ströndum norður- og norðausturlands, flutning hráefnis til löndunar og vinnslu í lífmassaver á Húsavík, vinnslu á verðmætum afurðum úr hráefninu og útflutningi á framleiðsluafurðum til sköpunar gjaldeyristekna fyrir þjóðarbúið.
Nýting stórþara
Við nýtingu stórþara og framleiðslu úr honum fást verðmæt efni s.s. íblöndunarefni fyrir matvælaiðnað, heilsuvörur og lyfjaframleiðslu. Núna standa yfir rannsóknir á áhrifum af nýtingu þarans úti fyrir Íslands ströndum samkvæmt rannsóknar- og nýtingarleyfi Íslandsþara ehf. Þessar rannsóknir eru unnar af Hafró í samstarfi við Íslandsþara sem er frumkvöðullinn að verkefninu á landsvísu. Einnig er fyrirtækið með tilraunavinnslu á Hjalteyri þar sem m.a. er verið að þróa framleiðsluferla, rannsaka nýtingu þarans, styrkleika framleiðsluefna o.fl. Þetta er nokkurra ára ferli og eðlilegt að fyrirhuguð starfsemi taki breytingum á þróunartíma enda um nýsköpunarverkefni að ræða.
Íslandsþari sækist eftir lóð á hafnarsvæðinu sem kallar á skipulagsbreytingar. Sveitarstjórn samþykkti að breytingar á deiliskipulagi færu í fullt skipulagsferli til að gefa öllum kost á að koma með umsagnir og athugasemdir vegna lóðarinnar. Um er að ræða nýja starfsemi í atvinnulífi þjóðar og eðlilegt að spurningar kvikni um fyrirkomulag, staðsetningu, áhættuþætti og margt fleira og mikilvægt að vanda öll skref í ferlinu. Alls bárust 41 umsögn á auglýsingatíma skipulagstillögunnar og er nú verið að vinna úr þeim gögnum. Hægt er að nálgast umsagnirnar á vef Norðurþings í fundargerðum þar sem breytingartillagan hefur verið til umfjöllunar hjá stjórn hafnasjóðs og skipulags- og framkvæmdaráði. Skipulagsferli tekur tíma og á öllum stigum hafa gögn verið birt með fundargerðum um leið og þau eru tekin til formlegrar umfjöllunar í stjórnkerfinu og íbúum þannig haldið upplýstum um gang mála. Þetta er hinn eðlilegi stjórnsýslulegi farvegur á máli sem þessu.
Ávinningur fyrir Norðurþing
Ef áætlanir ganga eftir, og hægt verður að nýta auðlindina stórþara á sjálfbæran hátt, mun starfsemi fyrirtækisins skapa verðmæt þekkingarstörf á Íslandi, eftirsótta vöru og miklar útflutningstekjur. Það er því mikill fengur fyrir Norðurþing að fyrirtækið sækist eftir að setja starfsemi sína hér niður og að Húsavík hýsi höfuðstöðvar Íslandsþara. Í því felast mörg tækifæri s.s. 40-50 ný fjölbreytt störf sem m.a. kalla á hámenntað starfsfólk, umsvif í hafnastarfsemi m.a. í bryggjugjöldum, aflagjöldum og vörugjöldum, uppbyggingu húsnæðis, fleiri íbúa og skattgreiðendur sem standa undir þeirri þjónustu og velferð sem sveitarfélagið rekur frá degi til dags og ári til árs um komandi framtíð.
Katrín Sigurjónsdóttir, sveitarstjóri í Norðurþingi
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
