Útisport flytur á Glerártorg.
Egill Einarsson í Útisport Mynd aðsendar
Útisport flytur á Glerártorg.
Í febrúar 2020 opnaði reiðhjólaverslunin Útisport reið/ rafhjólaverslun og verkstæði við Dalsbraut. Voru þetta stór tímamót því fram að því hafði sala og viðgerðir á reiðhjólum farið fram í Sportver sem þá var staðsett við norðurinngang Glerártorgs.
Nýtt Logo var töfrað fram en hugmyndin á bakvið logoið var einmitt að teikna hjólreiðamann með því að setja kúlu ofan á “T”ið í ÚTI og tengja stafina saman. Þannig mætti einnig sjá skíðamann og fleiri útivistarfígúrur.
Nú rúmum fjórum árum síðar hefur Útisport fest sig í sessi sem einn af stærstu innflytjendum rafhjóla á landinu og er umboðsaðili á Íslandi fyrir stærsta reiðhjólaframleiðanda í heimi GIANT BICYCLES.
Segja má að móttökurnar sem Útisport fékk hafi strax farið langt fram úr björtustu vonum og fer viðskiptamannahópurinn og markaðssvæðið stækkandi með hverju árinu.
Meirihluti landsbyggðarinnar velur fulldempað
Undanfarin ár hefur rafhjólasala verið góð en áhugavert hefur okkur þótt að á Akureyri og víðar á landsbyggðinni er mikill meirihluti rafhjóla sem selst fulldempuð eða með fjöðrun bæði að framan og aftan segir Egill Einarsson í Útisport. Margir kaupa sér svoleiðis til að leika sér í brautum og torfærast aðeins, aðrir til að auka þægindi enda ekki ósvipað að fá sér fulldempað hjól eins og að fá sér mjúkan jeppa og svo vilja aðrir eiga möguleikann á að fara utanvegar þó malbikið sé fyrsti kostur.
Algengasti aldurshópurinn til að kaupa sér rafhjól er milli 40 og 70 ára þó mikil sala sé einnig til bæði yngri og eldri hjólara og er elsti rafhjólakaupandinn í Útisport 92 ára og hjólar hann ennþá tveimur árum síðar.
Þessi breiði hópur hjólara hefur verið að kalla eftir auknu vöruúrvali í fatnaði, brynjum, dekkjategundum og aukabúnaði eins og símafestingum og fleiru svo má segja að gamla húsnæði Útisport hafi verið sprungið.
Til að bregðast við var búið að vera að skoða með að stækka húsnæðið við Dalsbraut en þegar Sportver flutti í nýtt og glæsilegt húsnæði í september síðastliðin var eftir samliggjandi svæði ónýtt á Glerártorgi þar sem hægt er að opna út til norðurs og vesturs en hafa samt innangengt milli verslananna og var ákveðið að hefja undirbúning á því strax og Sportver opnaði.
Púkinn var á sama tíma í vandræðum með að manna búðina hjá sér svo það var borðleggjandi fyrir báða aðila að þeir kæmu með öll sín reiðhjólamerki inn í búðina til okkar og er stórt svæði innan verslunarinnar einungis með vörum úr Púkanum. Merki eins og Fox, Lyatt og fleiri sem allir þekkja.
Opnunarhátíð fimmtudag milli 17 og 19.
Nú níu mánuðum síðar er allt tilbúið og opnar ný og glæsileg reið og rafhjólaverslun á Glerártorgi fimmtudaginn 20. Júní klukkan 17:00 og verður opnunarhátíð sama dag til 19:00 þar sem allir eru boðnir velkomnirtil að samgleðjast með okkur og sjá nýju verslunina ásamt því að þyggja léttar veitingar.
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir