20. nóvember - 27. nóvember - Tbl 47
Uppáhalds............. golfbrautin mín
Sú fimmta á Jaðarsvelli Mynd BG
Í golfi er hver braut mín uppáhalds á meðan ég er að spila hana en vissulega gera sumar manni erfiðar fyrir. Sú erfiðasta sem ég glími reglulega við er 5.brautin að Jaðri. Sú er 282 m af gulum teig sem jafngildir teig 54 í dag. Brautin er hallandi uppá við með hindranir á báða vegu. Skurður/lækur norðan brautar alla leið að holu og þungt gras (röff) norðan við skurðinn og þéttur skógur þar fyrir norðan og sandgryfja (bönker) við austurenda flatarinnar. Svo er skurður þvert á brautina ca 50 m frá teig og lækur upp með brautinni að sunnanverðu á hluta brautarinnar. Þar fyrir ofan er sandgryfja (bönker) sem mjókkar lendingarsvæði boltans verulega. Þegar ég var yngri spilaði ég brautina af teig 54.
Góða við það var að ég náði aldrei í lengd þeim hindrunum sem á brautinni eru í upphafshöggi og bjargaði ég mér lengstum, eftir upphafshöggið, með því að slá boltann meðfram skurðinum á móts við holustaðsetninguna og vippa þar yfir lækinn inn á flöt. Oftar en ekki var ég þá að spila hana á 6 höggum en hún er par 4. Flötin hallar öll í átt að læknum þannig að innáhöggin þarf að vera nægjanlega langt svo boltinn rúlli ekki til baka niður í lækinn. Vegna aldurs er ég nú komin á teig 45 sem styttir vegalengdina að holu verulega og því reynir maður við flötina í öðru höggi en á móti kemur að hindranir verða meira í leik í upphafshöggi en áður.
Baddi Guðmundss.
Góður golfari getur slegið inn á flötina af teig 45 en það eru um 220 metrar. Sæmilegur spilari lendir boltanum ca. 50 m frá flöt og vippar auðveldlega inná flötina. Ég slæ í upphafshöggi, við bestu aðstæður, ca. 150 m sem er nákvæmlega lengdin í bönkerinn eða skurðinn að norðan. Ef ég er heppinn fæ ég lendingu á brautinni milli bönkers og skurðsins sem er u.þ.b. 110 m frá holunni og þá eru 25% líkur að ég hitti flötina í öðru höggi. Ef ekki er ástæðan sú að boltinn fór í lækinn á móts við flötina, eða inn í skóginn norðan við skurðinn eða í bönkerinn sem er austan við flötina. Ef ég færi eftir því sem ég hef lesið mig til um golf þá á að skipuleggja hvernig best er að spila hverja braut. Næst ætla ég að fara eftir því á 5.brautina.
Þannig að upphafshöggið nái ekki upp að bönkernum, annaða höggið yfir hann á móts við flötina, þriðja höggið inná flöt og ætla mér síðan tvö högg til að setja kúluna í holu.
Það kallast að fara holuna á boggunni sem telst par fyrir gaur eins og mig með 20 í forgjöf.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
