Ungmennafélagið Æskan á Svalbarðsströnd fær gamla áhaldahúsið til afnota
„Við stefnum að því að efla mjög félagstarfið í sveitarfélaginu og hlökkum mikið til að taka húsið í notkun,“ segir Birgir Ingason gjaldkeri Ungmennafélagsins Æskunnar á Svalbarðsströnd. Fyrr í sumar var gert samkomulag á milli Æskunnar og sveitarstjórnar Svalbarðsstrandarhrepps um afnot félagsins að hluta húsnæðis við Svalbarðseyrarveg 8, sem er fyrrum áhaldahús sveitarfélagsins. Nú standa endurbætur yfir, „og það eru allir boðnir og búnir að liðsinna okkur eins og kostur er,“ segir Birgir.
„Þetta er stórt og spennandi verkefni og við erum þegar byrjuð að taka til hendinni og rífa út úr húsnæðinu og hanna upp á nýtt eftir okkar þörfum. Þörf er á miklum endurbótum á húsinu og mikil vinna framundan við þær. „Við höfum leitað til sveitunga okkar sem eru meira en til í að vera með í þessu. Það er líka mikið um að fólk býður upp á alls konar hluti sem liggja ónotaðir í geymslum en nýtast okkur mjög vel,“ segir Birgir.
Vaxandi áhugi fyrir pílu
Æskan býður upp á pílu, blak og hlaup fyrir börn og fullorðna ásamt því að halda utan um folf völlinn og Æskudaginn. Birgir segir að með nýrri og betri aðstöðu verði unnt að bjóða upp á betri aðstöðu t.d. í pílu, en bullandi áhugi sé fyrir íþróttinni í sveitarfélaginu. Þar sé engin aldurshópur undanskilinn, börn, ungmenni og fullorðið fólk stundi íþróttina og hafi notið þess að eiga gott bakland hjá Píludeild Þórs.
Húsnæðið er ríflega 100 fermetrar að stærð og fær píluaðstaðan annan af tveimur sölum sem fyrir eru í húsinu, en í hluta hússins er einnig starfrækt klippistofan Hárið 1908.
„Við stefnum á að klára að gera húsnæðið upp fyrir jól, en byrjum á að taka pílusalinn í gegn og vonandi næst að opna glæsilega nýja pílu aðstöðu með haustinu,“ segir Birgir.
Viljum nýta húsið sem best
Þá segir hann að stefnt sé að því að bjóða upp á fjölbreytta viðburði þegar fram líða stundir og allt er orðið klár. Þar megi nefna viðburði á tjaldi í beinni útsendingu, borðspilakvöld, pöbbkviss og tónlistarviðburði svo dæmi séu tekin. „Við viljum nýta þessa aðstöðu sem best og þannig að sem flestir geti átt góðar stundir í heimabyggð.,“ segir hann og er ekki í vafa um að nýtt húsnæði muni efla mjög félags- og íþróttastarfið hjá Æskunni.
Gamla áhaldahúsið á Svalbarðseyri sem nú gengur í endurnýjum lífdaga.
Nýtt utanvegahlaup á næstu sumarsólstöðum
Í sumar stofnaði Æskan hlaupahóp sem hefur gengið vel og er mikill áhugi á hlaupum í sveitarfélaginu. Næsta sumar mun Æskan formlega stofna nýtt utanvega keppnishlaup í samstarfi við Skógarböðin, Sólstöðuhlaupið og verður það haldið á sumarsólstöðum 21. júní 2025. „Það verður í okkar bakgarði, Vaðlaheiðinni,“ segir Birgir. Prufuhlaup vegna hins væntanlega Sólstöðuhlaups verður 14. september næstkomandiog eru öll velkomin að taka þátt. Hlaupið verður ræst á Svalbarðseyri og endar við Skógarböðin. Skráning mun fara fram á heimasíðu Æskunnar, https://www.aeskan.com, í lok ágúst.
Nýjast
-
Föngulegir gripir á árlegri og hátíðlegri hrútasýningu
Hin árlega hrútasýning Félags sauðfjárbænda í Suður-Þingeyjarsýslu var haldin hátíðlega nú fyrir skemmstu. Líkt og fyrri ár fór hún fram á tveimur stöðum en fyrir hádegi var hist í Hriflu og eftir hádegi í Sýrnesi. -
Leiktæki endurspegla sköpunargáfu og sjálfbærni
Nemendur sem nú eru í 8. bekk í Hrafnagilsskóla hafa lokið við verkefni sem þeir hófu á liðnu ári, þá í 7. bekk en það fólst í að setja upp ný útileiktæki á skólalóðinni fyrir yngstu nemendur skólans. Verkefnið unnu nemendur undir leiðsögn smíðakennara síns Rebekku Kühnis. -
Sigurjón Þórðarsson skipar fyrsta sæti á lista Flokks fólksins í Norðausturkjördæmi
Sigurjón Þórðarsson varaþingmaður Flokks fólksins í Norðvesturkjördæmi mun leiða framboðslista flokksins í Norðausturkjördæmi í komandi alþingiskosningum. En eins og fram hefur komið hlaut Jakob Frímann Magnússon sem leiddi flokkinn i þessu kjördæmi ekki náð fyrir augum uppstillingarnefndar -
Samherji hefur varið meira en 100% af hagnaði dótturfélaga til fjárfestinga í rekstri á undanförnum árum
Á síðustu fimm árum hafa Samherji Ísland og Samherji fiskeldi varið meira en eitt hundrað prósentum hagnaðar í fjárfestingar beint í rekstri félaganna, þ.e. í nýjum skipum, vinnsluhúsum og tækjabúnaði. Árið 2020, þegar Samherji vígði nýtt vinnsluhús á Dalvík, fór hlutfallið upp í 145%. -
Sigmundur Davíð Gunnlaugsson boðar umbúðalaus stjórnmál..
„Þau útskýra fyrir okkur að það þurfi að byggja miklu meira af því að það streymi svo margt fólk til landsins, og svo er útskýrt að það þurfi að streyma fólk til landsins til að geta byggt meira. Hér er einhver keðjuverkun, það eru rökin, það þurfi að byggja, því það er svo mikil fjölgun, ekki fjölgun Íslendinga, heldur fjölgun þeirra sem koma.“ -
Kynning á verkefninu Lausu skrúfunni tókst vel
„Lausa skrúfan fer formlega í sölu í febrúar, enda getur það verið erfiður mánuður fyrir þau sem glíma við andlegar áskoranir. Því er sérstaklega mikilvægt að huga að geðinu í myrkrinu og kuldanum sem fylgja vetrarmánuðunum.,“ segir Sonja Rún Sigríðardóttir verkefnastjóri Unghuga og kynningarmála hjá Grófinni geðrækt. -
Ingvar Þóroddsson stefnir á 1. sæti hjá Viðreisn
Ingvar Þóroddsson tilkynnti um helgina að hann stefni á forystusæti fyrir Viðreisn í Norðausturkjördæmi fyrir alþingiskosningarnar 30. nóvember næstkomandi. Hann sé vel til þess fallinn að tryggja flokknum þingsæti í kjördæminu og tala máli kjósenda í landshlutanum. -
Háskólinn á Akureyri tekur þátt í verkefni um Letta á Íslandi
„Á venjulegum vordegi fyrsta árið mitt á Akureyri fékk ég skilaboð frá Letta á Facebook. Yfirleitt opna ég ekki skilaboð af þessu tagi nema ég eigi von á einhverju, en í þetta sinn gerði ég það. Þar stóð: „Hæ, Gundega! Ég er að skrifa um verkefni sem miðar að því að fræðast meira um Letta sem búa á Íslandi. Viltu segja frá lífi þínu á Íslandi?“ Svar mitt var að sjálfsögðu já. Nokkrum mánuðum síðar hittumst við á Akureyri og ég var tekin upp sem hluti af Nordplus verkefninu sem Háskólinn á Akureyri og Riga Stradins háskólinn í Lettlandi eru saman í,” segir Gundega Skela, rannsakandi og stúdent við skólann, um aðkomu hennar að verkefninu. -
Björn Mikaelsson hannaði og hnýtir bleiku fluguna
Björn Mikaelsson fyrrverandi lögreglumaður á Sauðárkróki og nú ákafur áhugamaður um fluguhnýtingar var ekki lengi að koma sér að verki þegar dóttir hans, Hrönn Arnheiður spurði hvort hann væri til í að hnýta bleika flugu. Hann hefur setið við í vinnuaðstöðu sem hann hefur komið sér upp í bílskúr við hús sitt og flugurnar hafa komið ef svo má segja á færibandi. Björn hnýtir og Hrönn selur.
