20. nóvember - 27. nóvember - Tbl 47
Þjálfun leiðbeinenda í hermisetri SAk
Þátttakendur komu frá HA og geðdeild, bráðamóttöku, gjörgæslu, fæðinga- og kvensjúkdómdeild, skurðlækningadeild, barnadeild og svæfingadeild SAk Myndir sak.is
Dagana 15. – 16. ágúst fór fram námskeið fyrir verðandi leiðbeinendur í hermikennslu við Sjúkrahúsið á Akureyri (SAk). Námskeiðið var haldið í nýju hermisetri Mennta- og vísindadeildar SAk.
Þátttakendur á námskeiðinu voru læknar og hjúkrunarfræðingar sem starfa á SAk og við Háskólann á Akureyri (HA). Margir þeirra koma að kennslu hjá báðum stofnunum.
Námskeiðið var fjármagnað með styrk úr samstarfssjóði háskólanna. Styrkurinn er ætlaður til uppbyggingar færni- og hermikennslu í heilbrigðisvísindum við Háskólann á Akureyri og Háskóla Íslands í samstarfi við Sjúkrahúsið á Akureyri, Landspítala og Háskólann í Reykjavík.
„Með tilkomu nýs hermiseturs á SAk gefst tækifæri til að efla enn frekar hermikennslu í þjálfun heilbrigðisstarfsfólks bæði á SAk og HA. Til þess að geta annað aukinni þörf þurfum við fleiri leiðbeinendur og þá vorum við að þjálfa á þessu námskeiði,“ segir Hrafnhildur Lilja Jónsdóttir fræðslustjóri SAk.
Á námskeiðinu læra þátttakendur að leiða hermikennslu sem er sífellt vinsælli kennsluaðferð í heilbrigðisvísindum. Kennsluaðferðin veitir þátttakendum tækifæri til æfa sig í sviðsettum aðstæðum og rýna í frammistöðu sína á gagnrýninn hátt án þess að stefna lífi og heilsu sjúklings í hættu.
Notkun hermikennslu hefur verið að aukast undanfarin ár í grunnnámi í hjúkrunarfræði við HA og með væntanlegri fjölgun nemenda eykst þörfin á sérhæfðum leiðbeinendum. Hermikennsla hefur verið notuð með formlegum hætti við þjálfun starfsfólks við móttöku mikið slasaðra á SAk síðan 2010 og síðan 2017 hafa reglulega verið haldin námskeið í þverfagleg hermikennslu í bráðaaðstæðum. Þátttakendur námskeiðsins koma til með að sinna hermikennslu bæði á SAk og í HA.
Við val á þátttakendum var leitast við að hafa þá frá mismunandi sviðum heilbrigðisþjónustu sem nýtist vel við kennslu bæði við HA og SAk. Þátttakendur komu frá HA og geðdeild, bráðamóttöku, gjörgæslu, fæðinga- og kvensjúkdómdeild, skurðlækningadeild, barnadeild og svæfingadeild SAk.
www.sak.is sagði fyrst frá
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
