20. nóvember - 27. nóvember - Tbl 47
Settu upp tölvustofu í ABC skóla í Burkina Faso
Stórt skref inn í framtíðina fyrir nemendur ABC skólans að hafa aðgang að tölvu við nám sit Myndir Adam Óskarsson
„Ferðin gekk vel í alla staði, markmiðið var vel skilgreint og við náðum að gera það sem við ætluðum okkur,“ segir Adam Ásgeir Óskarsson sem kom i byrjun vikunnar heim eftir ferð til Afríkuríkisins Burkina Faso.
Adam Ásgeir Óskarsson að störfum við að setja upp tölvurnar
Þar setti hann ásamt ferðafélögum upp tölvustofu í Ecole ABC de Bobo sem er ABC skóli rekin í næst stærstu borg landsins, Bobo Dioulasso. Tölvunum hafði Adam safnað á Íslandi á liðnu ári, um 100 borðtölvum sem skipt var út í Verkmenntaskólanum á Akureyri fyrir fartölvur og þá fékk hann einnig tölvur, skjávarpa og fleira frá Sýn, Vodafone, Menntaskólanum í Tröllaskaga , Origo Lausnum, Sjúkrahúsinu á Akureyri, Gaflara og Tengi.
Tölvurnar voru settar í gám sem sendur var af stað til Burkina Fasio í fyrra og hélt Adam ásamt fleirum í fyrra haust í þeim tilgangi að setja tölvurnar upp. Seinkun varð á flutningnum og gámurinn ekki kominn þannig að farin var önnur ferð nú fyrri hluta febrúarmánaðar. Hann segir best henta Íslendingum að heimsækja landið frá hausti yfir veturinn því ella sé hitinn yfirþyrmandi. Í hópnum sem var á ferðinni nú voru fimm aðrir Íslendingar hjónin Jóhanna S. Norðfjörð og Haraldur Pálsson, sem beitt hafa sér fyrir uppbyggingu í ABC skólanum um árabil, Aðalgeir Sigurðsson, Jón Sverrir Friðriksson og Magnús Kristinsson rafeindavirki hjá Origo Lausnum í Reykjavík , en hinir frá Akureyri.
Settu upp gott innra net í skólanum
„Við tókum til starfa um leið og við komum og náðum að koma tölvunum upp ásamt því að setja upp gott innra net í skólanum. Það er enn vandkvæðum bundið að ná internetsambandi þarna en ég hef þá trú að styttist í það, þróunin í þessum málum er svo hröð,“ segir Adam. Hann telur að hugað verði að þeim málum jafnvel í næstu ferð, sem þó hefur ekki verið ákveðin enn. „Það má segja að fyrir nemendur skólans sé það bylting að hafa aðgang að tölvum og öflugu innra neti og er stórt skref inn í framtíðina. Það opnast ótal möguleikar sem ekki voru fyrir hendi áður, en tölvurnar sjálfar eru góðar og með fínum hugbúnaði.“
Lærdómsrík ferð
Adam segir það hafa verið virkilega lærdómsríkt að vera við störf í Burkina Faso og upplifa á eigin skinni hvernig lífið gengur fyrir sig þar. Landið sé eitt hið fátækast í heiminum með um 85%
atvinnuleysi og einungis um 20% íbúa þess eru læsir. Meðallaun eru um 300 krónur á dag. „Það er allt gjörólíkt því sem við eigum að venjast, allt annar bragur á öllu. Sem dæmi skortir mjög á að innviðir séu í lagi. Það má því segja að allt sé gjörólíkt því sem tíðkast hér hjá okkur.“
Í ABC skólanum eru um 1100 nemendur, hann er því álíka stór og VMA, en þar stunda nám börn á öllum aldri, frá 4urra ára upp í tvítugt, í leik- grunn- og framhaldsskóla. Útskriftarnemar sem halda áfram í háskólanám hafa fengið fartölvur að gjöf upp á síðkastið en Adam hefur haft forgöngu um söfnun þeirra á Íslandi. „Fyrir þau er það að eignast fartölvu og hafa með sér inn í háskólanám eitthvað sem er langt út fyrir þeirra drauma,“ segir hann.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
