20. nóvember - 27. nóvember - Tbl 47
Rúv og MAk ræða samstarf
Magnús Geir Þórðarson útvarpsstjóri, Þuríður Helga Kristjánsdóttir framkvæmdastjóri MAk og Þorvaldur Bjarni Þorvaldsson tónlistarstjóri MAk.
Rúv og Menningarfélag Akureyrar (MAk) ræða þessa dagana um mögulegt samstarf með það að markmiði að þjónusta almenning betur. Á vef MAk segir að Rúv sé með öfluga starfsstöð á Akureyri og sé að leita eftir samstarfi til að efla enn frekar þann lið í þeirri stefnu Ríkisútvarpsins að auka tengsl þess við almenning um allt land.
„Markmið félaganna fara vel saman, þar sem þau vilja bæði stuðla að auknu framboði og fjölbreytileika í menningar- og listalífi Norðurlands. Þannig sjá forystumenn beggja félaga tækifæri til að ná betur markmiðum sínum með því að sameina krafta sína. Mögulegt samstarf sem hefur verið rætt snýr að verkefnum þeirra þriggja sviða sem mynda MAk; Leikfélag Akureyrar, Menningarhúsið Hof og Sinfóníuhljómsveit Norðurlands, auk Fundar fólksins, sem fer fram á Akureyri í byrjun september,“ segir á vef MAk.
Spennandi möguleikar
Þuríður Helga Kristjánsdóttir, framkvæmdastjóri MAk, segir í samtali við Vikudag að viðræðurnar séu á byrjunarstigi en báðir aðilar séu fullir
af hugmyndum um hvernig samstarfið gæti orðið. „Með nýju upptökuveri Hofs hafa t.d. möguleikarnir til útsendinga stórbatnað. Því er mögulegt að hægt verði að sýna í sjónvarpinu frá leikverkum hér líkt og hefur verið gert varðandi Borgarleikhúsið og Þjóðleikhúsið. Airwaves-hátíðin var t.d. send út í beinni frá Hofi og hér er allt til staðar til að gera þetta kleift. Þetta er mjög spennandi tækifæri fyrir bæði okkur og Rúv,“ segir Þuríður.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
