20. nóvember - 27. nóvember - Tbl 47
Nýir læknar til starfa á Kristnesspítala
Nýir læknar til starfa á Kristnesspítala Mynd sak.is
-
Kristrún er Siglfirðingur og stúdent frá Menntaskólanum á Akureyri. Hún útskrifaðist 2013 úr læknisfræði við Háskóla Íslands og nam síðan heimilislækningar bæði á Íslandi og í Svíþjóð. Kristrún hlaut sérfræðiréttindi árið 2021 og hefur starfað sem heimilislæknir á HSN á Akureyri síðan þá.
-
Valgerður ólst upp á Akureyri og stundaði nám í læknisfræði við Háskóla Íslands þaðan sem hún útskrifaðist árið 2013. Valgerður lauk sérnámi í öldrunarlækningum í Lundi árið 2022 og hefur síðan starfað á öldrunarlækningadeild í Malmö og á líknardeild LSH.
„Við erum mjög ánægð með að hafa fengið Kristrúnu og Valgerði í okkar lið og getum þannig haldið áfram að byggja upp enn betri þjónustu með þarfir skjólstæðinga okkar í fyrirrúmi á Kristnesspítala,“ segir Kristín Margrét Gylfadóttir, þjónustustjóri endurhæfinga- og öldrunarlækningaþjónustu SAk.
Um Kristnes:
Á Kristnesspítala fara fram endurhæfinga- og öldrunarlækningar Sjúkrahússins á Akureyri. Þar er einnig útibú frá Hjálpartækjamiðstöð Sjúkratrygginga Íslands. Kristnesspítali var tekinn í notkun 1927 og þá sem berklahæli.
Kristnesspítali er staðsettur 10 km sunnan Akureyrar, í Eyjafjarðarsveit.
Það er sak.is sem fyrst segir frá
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
