20. nóvember - 27. nóvember - Tbl 47
Norðlenskur bakgrunnur í nýrri íslenskri bíómynd
Ása Helga Hjörleifsdóttir og Gríma Valsdóttir aðalleikona myndarinnar við Skeiðsvatn eftir langar tökudag.
Ása Helga Hjörleifsdóttir leikstýrir myndinni Svanurinn sem nú er í sýningum í bíóhúsum landsins og er m.a. sýnd í Borgarbíói á Akureyri. Myndin, sem er byggð á skáldsögu Guðbergs Bergssonar, var nánast að öllu leyti tekin upp í Svarfaðardal en þaðan er Ása Helga ættuð. Heimamenn þar voru í aukahlutverkum og einnig tvær stúlkur frá Akureyri. Myndin var forsýnd á Dalvík á milli jóla og nýars.
„Í grunninn er þetta saga um níu ára stelpu, leikin af Grímu Valsdóttur, sem er send í sveit um sumartíma til fjarskyldra ættinga, og flækist þar inn í líf fullorðna fólksins, ekki síst í drama sem er í gangi hjá 23 ára heimasætunni á bænum sem Þuríður Blær Jóhannsdóttir leikur,“ segir Ása. „Myndin er í raun um þær báðar, og hvernig þær fullorðnast á ólíkan hátt þetta sumar. Þriðja aðalhlutverkið í myndinni er svo í höndum Þorvaldar Davíðs Kristjánssonar, en hann leikur nokkuð dularfullan vinnumann á bænum. Ingvar E. Sigurðsson og Katla Margrét Þorgeirsdóttir leika svo bóndahjónin.“
Norðurland hentar vel fyrir kvikmyndatökur
Ása segist alltaf hafa séð fyrir sér Svarfaðardalinn sem tökustað. „Líka þegar ég las bókina. Þegar fjöllunum var lýst sá ég alltaf fyrir mér Stólinn og Kerlinguna sem dæmi. Norðurland er mjög góður tökustaður. Það er tiltölulega auðvelt að sækja alla þjónustu, og náttúran er óviðjafnanleg. Og eins og framleiðendur myndarinnar sögðu um daginn þegar við vorum að frumsýna myndina, þá eru Svarfdælingar og Dalvíkingar líka svo einstaklega hjálpsamir og gestrisnir.
Allir lögðu hönd á plóg og hjálpuðu okkur að gera þessa mynd. Þeir eiga svo sannarlega mikið í henni, enda frumsýndum við myndina fyrst þar og svo fyrir sunnan.“ Ása segir það hafa verið lítið mál að fá heimafólk til að leika í myndinni. „Þeir tóku þessu öllu með opnum hug og aukaleikararnir stóðu sig með prýði. Tvær stúlkur frá Akureyri leika stór aukahlutverk í myndinni en það eru þær Aldís Ösp Sigurjónsdóttir og Sara Lind Sigursteinsdóttir sem stóðu sig mjög vel.“
Lærði kvikmyndagerð í New York
Ása lærði kvikmyndagerð í Columbia háskólanum í New York. Hún hefur skrifað og leikstýrt þó nokkrum stuttmyndum, og ber þá helst að nefna myndirnar Ástarsaga og Þú og ég. Svanurinn er hennar fyrsta mynd í fullri lengd. Myndin var heimsfrumsýnd á kvikmyndahátíðinni í Toronto haustið 2017 og hefur flakkað á milli kvikmyndahátíða síðan þá og er enn að ferðast erlendis. „Næst á dagskrá erlendis er kvikmyndahátíðin í Gautaborg sem og þó nokkrar aðrar í febrúar,“ segir Ása.
„Stundum eru svona myndir tvö ár að rúnta á milli hátíða. Ég hef farið á ýmsa staði núna með myndinni til að kynna hana erlendis, og það sem snertir mig mest er að sjá hvernig svona saga, um stelpu í sveit á Íslandi, getur höfðað á mjög djúpstæðan hátt til fólks á allt öðrum aldri, í allt öðrum menningarheimi. Það sýnir manni kannski að tilfinningar okkar eru handan við öll landamæri; allir geta tengt við þær,“ segir Ása Helga Hjörleifsdóttir
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
