Mömmur og möffins flytja sig á Ráðhústorg
„Það kom fram hugmynd um að færa viðburðinn úr Lystigarðinum og niður á Ráðhústorg til að virkja betur það mannlíf og fjör sem er í miðbænum,“ segja þær Bryndís Björk Hauksdóttir og Sigríður Pedersen sem halda um stjórnartauma á viðburðinum Mömmur og möffins í ár. Viðburðurinn er jafnan á laugardegi um verslunarmannahelgi og frá árinu 2010, utan tvö kóvid ár, hefur hann verið í Lystigarðinum.
Þær Bryndís og Sigríður segja að allir hefðu verið klárir í prófa nýjan stað og þær hlakka til að halda viðburðinn. „Við erum á fullu í undirbúning og hlökkum til að prófa nýja staðsetningu,“ segir þær og bæta við að Mömmur og möffins eigi sér frábæra bakhjarla sem aðstoði við að gera viðburðinn að veruleika.
Gríðarmikil vinna á bak við þetta
„Það er gríðarlega mikil vinna á bak við viðburðinn og væri í raun ómögulegt að efna til hans sem fyrir þá sjálfboðaliða sem aðstoða við allt sem þarf að gera, baka, afgreiða og setja upp sem dæmi. Það hefur því miður stundum reynst erfitt að fá sjálfboðaliða til starfa en oftar en ekki er nægur mannskapur til staðar sem taka þátt í að undirbúa. Uppistaðan eru mæður á Akureyri en það eru líka dæmi þess að þær komi annars staðar að af landinu, konur sem koma saman og leggja þessu frábæra málefni lið,“ segir þær stöllur.
Ágóði af sölu á bollakökum rennur ávallt til fæðingardeildar Sjúkrahússins á Akureyri. Á liðnu ári söfnuðust ríflega 1,2 milljónir króna sem er það mesta sem safnast hefur til þessa. „Starfsfólk á deildinni hefur staðið sig mjög vel um tíðina og margar mæður hugsa fallega til þess tíma sem þær eyddu þar, áherslan er á vellíðan, hlýlegt og faglegt starf,“ segja þær Bryndís og Sigríður.
Bryndís Björk Hauksdóttir og Sigríður Pedersen halda um tauma á Mömmur og möffins í ár
Geta bætt við sig sjálfboðaliðum
Þær eru byrjaðar að auglýsa eftir sjálfboðaliðum til að starfa við viðburðinn næstu verslunarmannahelgi og segja að þær geti enn bætt við sig fólki og að margar hendur vinni létt verk. „Í ár eru við einnig að hvetja feður og börn sjálfboðaliða til að leggja okkur lið, það eru mörg verk sem þarf að inna af hendi og misjöfn, það ættu allir að geta fundið eitthvað sem þeir ráða við,“ segja þær.
Á liðnu ári voru bakaðar um 2000 bollakökur. Bakað er í eldhúsi Naustaskóla þar sem aðstaða er góð. Bryndís og Sigríður segja að til að allt gangi smurt þurfi að lágmarki að vera 15 til 20 manns við vinnu. „Við hvetjum þá sem geta séð af tíma sínum til að leggja góðu málefni lið til að hafa samband við okkur, t.d. í gegnum facebook síðu viðburðarins.
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir