4. sept - 11. sept - Tbl 36
Mæðgur hafa stjórnað kórum í samanlagt 71 ár
Mæðgurnar Ásta Magnúsdóttir og Hólmfríður Benediktsdóttir en myndin var tekin árið 1997 í Þýskalandi í kórakeppni þar sem Stúlknakór Húsavíkur fékk silfurverðlaun.
Mæðgurnar Hólmfríður Benediktsdóttir og Ásta Magnúsdóttir kórstjórar sameina fyrrum kórmeðlimi til söngs á Mærudögum og bjóða til tónleika í Húsavíkurkirkju. Tónleikarnir hefjast klukkan 17 á föstudag. Enginn aðgangseyrir.
Mæðgurnar hafa alla tíð haft mikla ástríðu fyrir kórastarfi og státa af 71 árs reynslu samanlagt af kórstjórn.
„Við tökum eina æfingu, ryfjum upp nokkur skemmtileg og hress kórlög og höldum tónleika til að skemmta okkur og þeim sem vilja koma og sjá okkur. Einnig verður samsöngur líkt og við mægður vorum með í fyrra í kirkjunni á Mærudögum,“ segir Ásta og bætir við að þær mæðgur hafi stjórnað ótalmörgum kórum í gegnum tíðina.
„Mamma byrjaði árið 1974 með vélstjórakórinn í Stýrimannaskólanum í Reykjavík og bjó til kór fyrir skrúfudaginn. Amma í Kópavogi passaði Magga bróður á meðan og fékk því helminginn af laununum. Mamma á því 50 ára kórstjóraafmæli núna í ár. Undanfarin ár hefur hún stjórnar Sólseturskórnum á Húsavík, kór eldriborgara sem afi Benni stýrði einnig á sínum tíma, en hætti í vor með kórinn og hefur því lokið kórstjórnarferlinum,“ segir Ásta.
Sjálf steig Ásta sín fyrstu skref við kórstjórn árið 2003 þegar hún tók að sér að stjórna Barnakór Glerárkirkju og á því sjálf 21 árs kórstjóraafmæli.
„Í dag er ég með 3 kóra í Smáraskóla, Kópavogi og mamma er svo sannarlega mín fyrirmynd í því sem ég tek mér fyrir hendur. Ég bý að því að hafa alist upp í kór hjá mömmu,“ segir Ásta að lokum.
Þá er bara að fjölmenna í Húsavíkurkirkju á föstudag þessum máttarstólpum húsvískrar menningar til heiðurs. Tónleikarnir hefjast eins og áður segir klukkan 17:00.
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir