Kvennakórinn Embla heldur tónleika í Glerárkirkju n.k. laugardag
Kvennakórinn Embla flytur verkið Tuvayhun eftir Kim Andre Arnesen ásamt einsöngvurunum Heiðdísi Hönnu Sigurðardóttur, Erlu Dóru Vogler, Sigrúnu Hermannsdóttur og Einari Inga Hermannssyni. Með kórnum spila hljóðfæraleikarar á strengjahljóðfæri, hljómborðshljóðfæri, gítar, flautur og slagverk og stjórnandi er Roar Kvam.
Kim Andre Arnesen(1980-) samdi verkið Tuvayhun (Blessun í særðum heimi) árið 2018, verkið er fyrir samkynja raddir, sópran, alt og barítón einsöng ásamt hljómsveit. Kim Andre Arnesen var tilnefndur til Grammy verðlauna árið 2016 fyrir verk sitt Magnificat og kórverk hans hafa verið flutt um allan heim. Í verkinu leitast tónskáldið við að blanda saman tónlist úr mismunandi menningarheimum til að hvetja hlustandann til að sjá okkur sjálf í öðrum.
Tónlistin í Tuvayhun fer með okkur í ferðalag djúpra tilfinninga og mannlegra aðstæðna. Tónlistin ferðast fram og til baka á milli hins forna, helga, nútímalega og djúpa; allt frá hálfgerri helgistundatónun til líflegra þjóðdansa, þar sem hljómsveitin vefar hljómfögur klæði og einleikarar spinna í vefinn, frá því kunnuglega yfir í það nýstárlega - og til baka. Tónlistin og textarnir sækja innblástur í Sæluboðin úr Fjallræðunni (Mattheusarguðspjall), þar sem við erum minnt á alla þá mannlega eiginleika sem við öll höfum. Við lifum í viðkvæmum en ægifögrum heimi þar sem stríð geisa og eigum öll okkur þá ósk um að búa í friðsælum heimi, að við öll skiljum að innra með okkur býr máttur til að breyta heiminum og skilja fjölbreytileika mannkynsins.
Í Tuvayhun eru Sæluboðin úr Fjallræðunni flutt á hinu forna tungumáli arameísku sem inngangur að hverjum kafla verksins og söngtextarnir samdir af Charles Anthony Silvestri eru á ensku, þar sem hann sækir innblástur í hvert Sæluboð. Tuvayhun er arameíska og fyrsta orð í hverju
Sæluboði og merkir Blessun, blessun til handa þeirra sem minna mega sín og með því vakin athygli á þeim sem við öll getum sýnt kærleik, skilning og blessun.
Tónleikarnir eru sem fyrr sagði í Glerárkirkju á laugardaginn og hefjast þeir kl 17.00. Miðaverð er kr. 5.000 og verður posi á staðnum.
Nýjast
-
Ég sækist eftir 1 sæti á framboðslista Sjálfstæðisflokksins
Ég hef ákveðið að sækjast eftir 1.sæti á framboðslista Sjálfstæðisflokksins í Norðausturkjördæmi í Alþingiskosningum 30. nóvember næstkomandi. Frá því að ég hlaut trúnað ykkar og kjör á Alþingi 2016 hef ég af af öllum kröftum verið að vinna að hag kjördæmis okkar og þjóðarinnar allrar. Áherslur mínar hafa allan þann tíma verið á þau grundvallarmál sem skipta mestu fyrir verðmætasköpun í landinu: Atvinnumál, lífskjör fólks og búsetuskilyrði í Norðausturkjördæmi, samgöngumál, heilbrigðismál, raforkumál, málefni ferðaþjónustunnar, landbúnaðarmál, sjávarútvegsmál, byggðamál, menntun og menningarmál og svo mætti lengi telja. Jafnframt hef ég haft trúnað Alþingis til að vinna að efnahagsmálum, ríkisfjármálum og utanríkismálum. Ég hef verið virkur í umræðum í öryggis og varnarmálum og leitt þátttöku íslands á erlendri grund í þeim efnum. Samgöngumál hafa verið sérstakt baráttumál enda má segja að ekkert skipti velferð fólks á landsbyggðinni meira máli en góðar og öruggar samgöngur. Reynsla og þekking er verðmæt í störfum á Alþingi. Með þátttöku minni og tengslum við atvinnulíf, við sveitarstjórnarmál og áralöng reynsla af þingmennsku hef ég öðlast skarpa sýn á þau málefni sem þurfa sérstaka athygli á vettvangi stjórnmála á næstu áru -
Líneik Anna hættir á þingi
Líneik Anna Sævarsdóttir, þingmaður Framsóknarflokksins í Norðausturkjördæmi, hefur ákveðið að gefa ekki kost á sér í komandi Alþingiskosningum. -
Öruggara Norðurland eystra
Miðvikudaginn 16. október formfestum við svæðisbundið samráð um varnir gegn ofbeldi og öðrum afbrotum á Norðurlandi eystra undir merkjum Öruggara Norðurland eystra. -
Um 65 tilkynningar um tjón vegna rafmagnstruflana á Akureyri
„Tjónstilkynningum heldur áfram að fjölga en þær eru nú orðnar rétt í kringum sextíu hér á Akureyri,“ segir Gunnur Ýr Stefánsdóttir skrifstofustjóri á skrifstofu forstjóra Norðurorku en fyrirtækið tekur við tilkynningum um tjón sem urðu á Akureyri vegna truflana í flutningskerfi Landsnets 2. október síðastliðinn. Rarik heldur utan um tjónstilkynningar utan Akureyrar. -
Hvernig velja framboðin á lista í Norðausturkjördæmi?
Flest framboðin í Norðausturkjördæmi munu stilla upp á lista sína. Undantekningin er Sjálfstæðisflokkurinn sem velur fimm efstu á kjördæmisþingi og Píratar sem halda prófkjör. Vinsælt er að koma saman í Mývatnssveit til að velja listana. -
Stuðmenn og Gærurnar í Samkomuhúsinu á Húsavík
Píramus & Þispa frumsýnir söngleikinn Með allt á hreinu -
Húsnæði fundið fyrir Kvennaathvarfið- Mikill léttir
„Þetta er mikill léttir og mikil gleði að málið er nú í höfn,“ segir Linda Dröfn Gunnarsdóttir framkvæmdastýra Kvennaathvarfsins en hún skrifaði fyrr í dag undir samning um leigu á húsnæði á Akureyri. Samningurinn er til þriggja ára. -
Sjálfstæðismenn velja á framboðslista á tvöföldu kjördæmisþingi
Ljóst er að kosið verður á milli minnst tveggja einstaklinga í oddvitasæti Sjálfstæðisflokksins í Norðausturkjördæmi. Valið verður á tvöföldu kjördæmisþingi á sunnudag. -
Jens Garðar Helgason býður sig fram sem oddviti Sjálfstæðisflokksins í Norðausturkjördæmi
Jens Garðar Helgason hefur tilkynnt framboð sitt til oddvita Sjálfstæðisflokksins í Norðausturkjördæmi í komandi þingkosningum. Jens Garðar, hefur langa reynslu af störfum í atvinnulífi og sveitarstjórn, segir framboðið byggt á þörf fyrir sterka forystu sem gæti betur hagsmuna Norðausturkjördæmis. „Ég hef alltaf haft mikinn áhuga á málefnum samfélagsins og trúi því að með sameiginlegu átaki getum við tryggt áframhaldandi framfarir og velferð í kjördæmi sem og landinu í heild,“ segir Jens Garðar. „Sjálfstæðisflokkurinn hefur alltaf verið sterkt hreyfiafl íslenskra stjórnmála og þjóðlífs. Ég vill leggja mitt af mörkum í baráttu fyrir framgangi sjálfstæðisstefnunnar," segir hann.
