Fataverslun Rauðakrossins opnar á Húsavík
Á morgun þriðjudag opnar Rauðikrossinn í Þingeyjarsýslum fatabúð að Garðarsbraut 44 þar sem einnig er til húsa félagsaðstaða Félags eldri borgara á Húsavík og nágrenni. Blaðamaður leit við í versluninni í morgun og tók Halldór Valdimarsson formann Rauðakrossins í Þingeyjarsýslum tali.
Sjá einnig: Bjart er yfir Betlehem
Halldór segir að fatasöfnun hafi gengið vel en deildin hefur verið með fatasöfnun í mörg ár inni í Húsasmiðjunni og fyrir skemmstu hafi verið settir fatasöfnunargámar á stéttina fyrir utan verslunina. „Nú erum við komin með gáma á Þórshöfn, Raufarhöfn, Kópaskeri, á Laugum í Reykjadal og þrjá gáma hér á Húsavík,“ segir Halldór sem var í óða önn við að lakka hillur þegar blaðamaður leit við.
"Við erum búin að taka þetta fína húsnæði á leigu hjá Félagi eldri borgara og ætlum að fara selja notuð föt og ýmsar smávörur. Ég held að svona verslun sé alveg nauðsynleg og þetta fer að sjálfsögðu allt til góðgerðarmála eins og allt hjá Rauða krossinum."
Halldór segir að til að byrja með verði opið á þriðjudögum og fimmtudögum frá klukkan 16:00 – 18:00. „Við erum að safna sjálfboðaliðum til að vinna í versluninni og ætlum að byrja á því að hafa opið tvisvar í viku. Svo eftir því sem líður á vorið þá aukum við þetta og fáum fleiri sjálfboðaliða til að hjálpa okkur,“ segir Halldór og bætir við að reynslan sé sú að það sé mikið til eldra fólk sem fæst til sjálfboðaliðastarfa. „Við eldra fólkið höfum meiri tíma segir Halldór og hlær. Hann er vongóður um að fá aðstoð frá eldri borgurum sem eru að opna félagsaðstöðu í sama húsnæði.
Halldór vill koma því á framfæri að Rauði krossinn geti alltaf þegið hjálp frá fleiri sjálboðaliðum, þeir sem séu áhugasamir geti haft samband við sig.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
