20. nóvember - 27. nóvember - Tbl 47
Fá listamannalaun í þrjá mánuði
Helga Kvam og Þórhildur Örvarsdóttir.
Úthlutun listamannalauna árið 2018 liggja fyrir en alls bárust 852 umsóknir um starfslaun frá einstaklingum og hópum. Umsækjendur voru samtals 1.529 en úthlutun fengu 369 listamenn.
Tónlistarkonurnar Þórhildur Örvarsdóttir og Helga Kvam fengu útlutað þriggja mánaða starfslaun fyrir sameiginlegt verkefni sem þær vinna að og nefnist Hulda-Hver á sér fegra föðurland. „Við munum fara yfir feril hennar Huldu skáldkonu í tali og tónum en hún var algjör brautryðjandi fyrir aðrar konur og fyrirmynd enn í dag,“ segir Þórhildur í samtali við Vikudag.
„Þessu fylgir mikil rannsóknarvinna og verðum við í margskonar samstarfi, t.d. við Daníel Þorsteinsson tónskáld, Svein Yngva Egilsson íslenskufræðing og menningarmiðstöð Þingeyinga. Við munum flytja þetta víða um land, fyrstu tónleikarnir verða í Hömrum 19. júní og þetta verður partur af dagskrá í tilefni af 100 ára fullveldis afmæli Íslands.“
Mikil viðurkenning
Þórhildur segir mikla viðurkenningu að fá listamannalaun. „Þetta hefur auðvitað gríðarlega mikla þýðingu fyrir mig sem listamann því í þessu er fólgin ákveðin virðing, mér er treyst til að skapa list fyrir samfélagið okkar og í því felst ákveðin staðfesting á því að það sem maður hefur verið gera undanfarin ár hefur skipt máli.“
Í svipaðan streng tekur Helga Kvam. „Fyrir mér hefur það mikla þýðingu að hljóta listamannalaun; bæði sem viðurkenning á mínu starfi sem listamaður og það traust og virðing sem mér eru sýnd í að ég muni skapa menningarverðmæti fyrir samfélagið. Að vissu leyti kom mér á óvart að hljóta listamannalaun svona í fyrstu atrennu, ég hef aldrei sótt um áður. En ég trúi því að það verkefni sem við Þórhildur ætlum að vinna sé afar mikilvægt menningarverkefni,“ segir Helga Kvam.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
