20. nóvember - 27. nóvember - Tbl 47
Downs - dagurinn er i dag
Rúben Þeyr dvaldi tvær vikur á barnadeild SAk eftir fæðinguna þar sem hann þurfti hjálp með súrefni fyrst um sinn.
Að eignast barn með Downs-heilkenni getur verið krefjandi og viðbrögð heilbrigðisstarfsfólks skipta þar öllu máli. Í tilefni af Downs-deginum í dag segir Arnheiður Gísladóttir (Addý), móðir Rúbens sem fæddist með Downs-heilkenni á Sjúkrahúsinu á Akureyri árið 2020 frá sinni upplifun.
Rúben Þeyr fæddist á SAk 8. janúar 2020. Hann er sonur Addýjar og Vífils Más Viktorssonar og stóra systir Rúbens heitir Karítas Von er er 10 ára.
„Að eignast barn með Downs-heilkenni var alger rússibanareið enda áttum við ekki von á því,“ segir Addý spurð út í upplifun sína að fæða barna með Downs-heilkenni. Skimun fyrir heilkenninu er orðin afar algeng á Íslandi og síðan hún hófst formlega árið 2000 fæðast mun færri einstaklingar með Downs.
„Þar sem við upplifðum greininguna sem áfall eftir erfiða fæðingu var okkur strax boðið að tala við sjúkrahúsprestinn sem var mikill stuðningur. Hann nálgaðist okkur á mjög mannlegan hátt. Síðan kom félagsráðgjafi frá SAK og ræddi við okkur og kynnti okkur fyrir réttindum okkar og lét Akureyrarbæ vita af okkur sem hafði síðan samband við okkur þegar við komum heim,“ segir Addý um fyrstu viðbrögð starfsfólks á SAk.
Eitt af um það bil 800 börnum í heiminum fæðist með Downs-heilkenni. Á Íslandi fæðast árlega um 0-2 börn með Downs-heilkenni.
„Við vorum gripin mjög vel af starfsfólki SAK þegar að allt í einu blasti nýr veruleiki við okkur. Við upplifðum okkur aldrei í lausu lofti við vorum alltaf örugg. Ennþá fjórum árum seinna minnumst við starfsfólks SAk, hversu frábær þau voru og björguðu okkur fyrstu dagana í nýja verkefninu okkar,“ segir Addý.
Rúben Þeyr dvaldi tvær vikur á barnadeild SAk eftir fæðinguna þar sem hann þurfti hjálp með súrefni fyrst um sinn.
Nánari upplýsingar um Downs-heilkennið má finna á vefsíðunni www.downs.is.
Frá þessu segir á sak.is
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
