Dagskráin fagnar 50 ára afmæli á árinu
Dagskráin á Akureyri fagnar á þessu ári 50 ára afmæli en útgáfa blaðsins hófst þann 22. desember árið 1968. Dagskráin er öflugasti auglýsingamiðill á Norðurlandi, kemur út á miðvikudögum og er borin inn á hvert heimili og fyrirtæki á Eyjafjarðarsvæð inu. Auk þess liggur hún frammi í verslunum og hjá þjónustuaðilum frá Blönduósi og austur til Vopnafjarðar.
Dagskráin er prentuð í 11.500 eintökum. Kannanir Capacent hafa sýnt að Dagskráin ber höfuð og herðar yfir aðra prentmiðla á svæðinu en yfir 90% af fólki á Akureyri og nágrenni lesa blaðið.
G. Ómar Pétursson, framkvæmdastjóri Dagskrárinnar, segir 50 ára afmælið stóran áfanga fyrir prentmiðil. „Í raun eru þeir ekki margir prentmiðlarnir sem nú koma út sem náð hafa þeim áfanga. Gunnar Berg og félagar voru framsýnir og sáu tækifæri í að hefja útgáfu á auglýsingablaði með sjónvarpsdagskrá. Fyrsta tölublaðið kom út í sömu viku og sjónvarpsútsendingar hófust á Akureyri, rétt fyrir jól 1968. Fyrsta blaðið var fjórar síður og prentað í svart/hvítu.
Ásprent keypti síðan Dagskrána árið 1977 og hefur hún síðan þá verið stór hluti af starfsemi prentsmiðjunnar og í raun og veru kjölfestan í rekstri hennar,“ segir Ómar.
Ótrúlegt fyrirbæri
Óhætt er að fullyrða að Dagskráin sé inngróin í hjörtu bæjarbúa og tekur Ómar undir það. „Dagskráin er í sjálfu sér ótrúlegt fyrirbæri. Það er með ólíkindum að blað sem er nánast eingöngu auglýsingar skuli ná svona mikilli athygli.
Málið er að í gegnum Dagskrána ná bæjarbúar að fylgjast með því sem er að gerast í bænum, á fasteignamarkaði, hjá verslunum og veitingastöðum, skemmtunum og hvers konar uppákomum. Við segjum stundum að séu hlutirnir ekki auglýstir í Dagskránni þá fari þeir ekki fram, “ segir Ómar.
Lengri umfjöllun um 50 ára afmæli Dagskráinnar má sjá í prentúgáfu Vikudags.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
