20. nóvember - 27. nóvember - Tbl 47
Afhentu gullabú við útskrift barna sinna
Börnin skemmtu sér konunglega ásamt foreldrum sínum í útskriftarveislunni sinni enda veðrið af öfundsverða taginu. Myndir/Aðsendar
Það er hefð fyrir því þegar nemendur leikskólans Grænuvalla á Húsavík nálgast útskrift að gera sér glaðan dag. Síðustu ár hafa foreldrahóparnir gefið leikskólanum gjafir í tilefni útskriftar en í ár var gjöfin ekki af verri endanum; gullabú á útkennslusvæði leikskólans í Holti. Fyrir þá sem ekki vita er gullabú einskonar leikbú, í þessu tilfelli eldhús.
Börn sem eru fædd árið 2018 tóku gullabúið formlega í notkun á mánudag ásamt foreldrum sínum í sannkallaðri rjómablíðu eins og meðfylgjandi myndir bera með sér.
Myndarleg gjöf
„Pælingin er að foreldrahópar næstu ára viðhaldi eldhúsinu eða gullabúinu eins og ég kalla þetta en mér skilst nú reyndar að það þekki þetta enginn sem gullabú hér á Húsavík. Fyrir austan á Egilsstöðum vita allir hvað gullabú er,“ segir Sigríður Valdís Sæbjörnsdóttir, skólastjóri Grænuvalla í samtali við Vikublaðið.
„Þetta er miklu meira en eldhús, það eru eldavélar og þrír vaskar, gluggi sem er hægt að afgreiða í gegn um og pípur til að láta vatnið renna um og svo er talía til að nota til að sækja vatn í lækinn. Það þarf náttúrlega vatn í öll eldhús,“ útskýrir Sigríður Valdís.
STEMning í Holti
Hún segir jafnframt frá því að starfsfólk skólans hafi farið til Danmerkur á síðasta ári þar sem þau kynntu sér STEM í leikskólastarfi. „Við urðum flest heilluð upp úr skónum og ég held að þessi hugmynd sé svolítið sprottin upp úr þeirri ferð,“ segir Sigríður Valdís og bætir við að Grænuvellir hafi nýverið fengið styrk frá Sprotasjóði til að innleiða STEM á Grænuvöllum í samtarfi við STEM-Húsavík.
„Það sem mér finnst svo frábært við þetta er að svona lagað styrkir svo hópsálina hjá foreldrum sem er svo mikilvæg hópsálinni hjá börnunum. Þetta er frábært tækifæri til að þjappa saman foreldrahópnum og kynnast. Þau eiga náttúrlega eftir að fylgjast að næstu tíu árin í gegnum grunnskólann,“ segir Sigríður Valdís og bætir við að öll hafi átt ánægjulegan dag í Holti á mánudag þar sem boðið var upp á djús og kex. „Nú þurfum við starfsfólkið að skipta okkur niður á þetta fína gullabú því nú vilja náttúrlega allir fá að prófa.“
Stolt Grænuvalla
Fyrir þá sem ekki vita er Holt, fallegt útisvæði í Sprænugili en Jan Klitgård byggði þar myndarlegt skýli fyrir leikskólann fyrir nokkrum árum sem hefur mikið verið notað síðan. Þetta er geggjað og ég efast ekki um að aðrir leikskólar í nágrenninu vilji koma og skoða því þeir hafa alveg komið að skoða Holt. Þetta er frábær viðbót, það er svo ótrúlega mikið sem við erum að ná fram í þessari útikennslu sem er orðin stór partur af starfinu okkar á Grænuvöllum,“ segir Sigríður Valdís að lokum.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
