4.desember - 11. desember - Tbl 49
Hulda Ósk framlengir við Þór/KA
Hulda Ósk Jónsdóttir og Dóra Sif Sigtryggsdóttir, formaður Þórs/KA, við undirritun samningsins. Mynd: thorka.is
Hulda Ósk Jónsdóttir hefur skrifað undir nýjan tveggja ára samning við Þór/KA. Greint er frá þessu á vef félagsins.
Hulda Ósk Jónsdóttir hélt utan til Bandaríkjanna síðastliðið sumar þar sem hún stundar nú mastersnám við hinn virta Notre Dame-háskóla í Indiana – og spilar þar fótbolta með liði skólans. Samningur Huldu Óskar við Þór/KA rann út núna um áramótin, en hún hefur nú ákveðið að vera áfram hjá félaginu og hefur skrifað undir nýjan samning, 1+1 ár eins og það er kallað.
Hulda Ósk hóf ferilinn með Völsungi, fór þaðan í KR og svo í Þór/KA þar sem hún hefur spilað frá 2016. Komandi tímabil verður því hennar sjöunda með Þór/KA. Hún á að baki 114 leiki í efstu deild (17 mörk) með Þór/KA og KR, en samtals 207 meistaraflokksleiki (41 mark) með þessum þremur félögum í deild, bikar, meistarakeppni, deildabikar og Evrópukeppni. Af þessum 207 leikjum eru 113 fyrir Þór/KA.
Miklar kröfur og mikill lærdómur í Notre Dame
Segja má að Hulda Ósk sé hreinræktaður sóknarmaður, hefur spilað í framlínunni, mest á öðrum hvorum kantinum með Þór/KA. En eftir að hún fór vestur um haf hefur hún fengið að kynnast fleiri stöðum á vellinum.
Hulda Ósk lætur vel af dvölinni vestra og segir hana hafa verið krefjandi: „Notre Dame er virkilega krefjandi staður og mikið ætlast til af þér námslega og fótboltalega séð. Ótrúlegar aðstæður með öllu sem þú þarft til þess að bæta þig með frábæru teymi þjálfara sem hugsa út í allt. Ég hef lært ótrúlega mikið og hlakka til að notfæra mér þessa reynslu í framtíðinni,“ segir Hulda Ósk um dvölina vestra á heimasíðu Þórs/KA
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Golfklúbbur Akureyrar - Framkvæmdir í fullum gangi
Miklar framkvæmdir hafa verið í byggingu nýrrar inniaðstöðu Golfklúbbs Akureyrar, síðastliðinn vetur var kjallari byggður en smá hlé var gert yfir sumarmánuðina vegna hita og svo var aftur hafist handa í ágústmánuði við reisingu stálgrindar. Stálgrindin reis hratt og ekki hægði á þegar yleiningarnar fóru hver af annarri að hlaðast upp. Nú í dag þegar þetta er skrifað er búið að loka húsinu með yleiningum og flestir gluggar komnir í einnig. Fyrr í vikunni var svo hafist handa við millibygginguna sem tengir golfskálann við nýju bygginguna. -
Íþróttaæfingar fyrir börn með sérþarfir
KA og Þór verða í vetur með æfingar fyrir 6 - 16 ára börn og unglinga með sérþarfir, æfingarnar fara fram í Íþróttahúsi Naustaskóla og hefjast þær n.k. sunnudag kl 11. -
Hugleiðingar að loknum sigri
Sævar Pétursson framkvæmdastjóri KA skrifaði á Facebook vegg sinn vangaveltur sínar í lok gærdagsins. Vefurinn fékk leyfi Sævars til þess að birta skrif hans. -
Þór/KA klárar tímabilið á Greifavellinum
Þór/KA mun spila heimaleiki sína í efri hluta Bestu deildar kvenna á Greifavellinum, heimavelli KA. Þetta kemur fram í frétt á vefsíðunni fotbolti.net í dag. Liðið hefur leikið heimaleiki sína á VÍS vellinum sem er heimavöllur þeirra og karlaliðs Þórs en ástand vallaris er ekki gott og eftir erfiða tíð s.l. daga er þetta niðurstaðan enda alltaf keppikefli að leika við sem bestar aðstæður hverju sinni. -
Alfreð Birgisson Bikarmeistari trissuboga utandyra
Alfreð vann titilinn í trissuboga nokkuð örugglega með 57 stiga mun með 1303 stig á móti 1246 sem Þórdís Unnur Bjarkadóttir í BFB sem var með í öðru sæti -
Alfreð Íslandsmeistari utandyra þriðja árið í röð
Alfreð Birgisson úr Íþróttafélaginu Akri á Akureyri og Húsvíkingur að uppruna vann þriðja Íslandsmeistaratitil utandyra sinn í röð í trissuboga karla á Íslandsmeistaramótinu utandyra í bogfimi -
Jakob Gunnar til liðs við KR
Jakob gerir 3ja ára samning við KR en mun klára leiktímabilið með Völsungi á láni. -
Andrea Ýr og Valur Snær Akureyrarmeistarar í golfi
Akureyrarmótinu í golfi lauk í gær í sannkallaðri rjómablíðu á Jaðarsvelli
