VMA - Látið bara vaða!
Emilía Björt Hörpudóttir og Lilja Lind Gunnlaugardóttir eru á fjórðu önn í námi sínu í húsasmíði. Í vetur hafa þær verið í stórum hópi nemenda sem byggir frístundahús frá grunni – ekki eitt heldur tvö. Þær voru að bjástra uppi á svefnlofti í minna frístundahúsinu þegar kíkt var inn í byggingadeildina. Í stærra húsinu er allt á fullu og það komið lengra en oft áður. Bæði nemendur í pípulögnum og rafvirkjun hafa lagt sín lóð á lóðarskálarnar við byggingu og frágang húsanna.
Emilía segir að það sem hafi dregið hana í smíðarnar hafi verið áhugi hennar á hönnun, að skapa eitthvað og hún horfir á smíðarnar sem góðan grunn fyrir hvort sem er byggingartæknifræði eða arkitektúr. Stefnan sé því að taka stúdentinn líka.
Eftir þessa önn verður einnar annar uppihald í námi, þá fara nemendur út á örkina og starfa í faginu. Seyðfirðingurinn Emilía horfir austur og stefnir á að vinna á fullu í smíðunum þar. Síðastliðið sumar starfaði hún hjá Tréiðjunni Eini á Egilsstöðum og fékk tækifæri til þess að ganga í fjölbreytt störf. Lilja er líka þessa dagana að þreifa fyrir sér með vinnu í smíðunum í sumar og á haustönn.
En hvernig kom það til að Lilja, sem býr á Akureyri en ólst upp í Hörgársveit, ákvað að skella sér í smíðarnar. Hún segir ekki mikið um smiði í kringum sig – systur sínar hafi lært eins ólíkar greinar og hjúkrunarfræði og vélfræði – en hugmyndin um smiðinn hafi komið upp í níunda bekk. Hún segist ekki sjá eftir því vali en hafi húsgagnasmíði verið í boði hefði hún frekar viljað velja þá leið. En því miður hafi ekki nægilega margir valið húsgagnasmíðina til þess að hún væri kennd.
Emilía segist vera á þeirri skoðun að sem flestir nemendur ættu að taka grunninn á einhverri verknámsbraut, þó ekki væri annað en til þess að geta nýtt sér þá kunnáttu í hinu daglega lífi. Og gildi þá einu af hvaða kyni nemendur séu, allt verknám sé gott fyrir lífið. Emilía bætir við að strákar, ekki síður en stelpur, hefðu mjög gott af því að fara í gegnum hússtjórnarskólanám.
Skilaboð Emilíu og Lilju til kynsystra sinna eru einföld, látið bara vaða og drífið ykkur í nám sem strákar hafa jafnan verið í miklum meirihluta, t.d. í húsasmíði. Ánægjulegt sé að auk þeirra tveggja séu þrjár aðrar stúlkur í námi á öðru ári í húsasmíðinni og þrjár stúlkur stundi nú nám á fyrsta ári.
Það er vma.is sem sagði fyrst frá
Nýjast
-
Sveitarstjórn Grýtubakkahrepps samþykkir bókun um fyrirhugaða hækkun veiðigjalda
Sveitarstjórn Grýtubakkahrepps fjallaði um hugmynd ríkisstjórnarinnar um hækkun veiðigjalda á fundi í gær mánudag. Á www.grenivik.is má lesa eftirfarandi. -
Fé án hirðis
Í vikunni var því fagnað að 5 ár voru liðin frá því að fjárveiting til stækkunar flugstöðvarinnar á Akureyri var samþykkt. Framkvæmdin kom úr sérstökum Covid-fjárheimildum á veirutímanum og var alls 900 milljónir, svo aðstaðan á flugvellinum gæti stutt við aukið millilandaflug. -
Ákvarðanir teknar í Reykjavík – afleiðingarnar skella á okkur
Við sveitarstjórnarmenn Framsóknar lýsum yfir alvarlegum áhyggjum af fyrirhugaðri hækkun veiðigjalda sem ríkisstjórnin hefur lagt fram. Tillagan ber með sér skort á skilningi á mikilvægi sjávarútvegsins fyrir atvinnulíf og byggðafestu vítt og breitt um landið. -
Hverju munar um mig?
Því skýtur reglulega upp í kolli mínum hversu léleg við Íslendingar erum að nota áhrif okkar þegar okkur er misboðið. -
Kvíaból í Kaldakinn fyrirmyndarbú nautgripabænda
Bændurnir á Kvíabóli hlutu viðurkenninguna Fyrirmyndarbú Nautgripabænda BÍ á dögunum og tóku þau Haukur Marteinsson og Ingiríður Hauksdóttir á móti verðlaununum. -
VMA - Látið bara vaða!
Emilía Björt Hörpudóttir og Lilja Lind Gunnlaugardóttir eru á fjórðu önn í námi sínu í húsasmíði. Í vetur hafa þær verið í stórum hópi nemenda sem byggir frístundahús frá grunni – ekki eitt heldur tvö. Þær voru að bjástra uppi á svefnlofti í minna frístundahúsinu þegar kíkt var inn í byggingadeildina. Í stærra húsinu er allt á fullu og það komið lengra en oft áður. Bæði nemendur í pípulögnum og rafvirkjun hafa lagt sín lóð á lóðarskálarnar við byggingu og frágang húsanna. -
Norðurþing Kostnaðarauki upp á 60 til 70 milljónir
Minnisblað fjármálastjóra Norðurþings vegna áhrifa nýgerðra kjarasamninga sveitarfélaganna við Kennarafélögin var lagt fram á fundi byggðaráðs Norðurþings. -
Aðför að landsbyggðinni – og tilraun til að slá ryki í augu almennings
Það er ekki hægt að tala um sátt í sjávarútvegi þegar aðgerðir stjórnvalda beinast ekki gegn þeim sem bera mesta ábyrgð heldur bitna í reynd á fólkinu og byggðunum sem atvinnugreinin heldur uppi. -
Knattspyrnudómarafélag Norðurlands styrkir lyflækningadeild SAk
Fulltrúar Knattspyrnudómarafélags Norðurlands, Aðalsteinn Tryggvason og Bergvin Fannar Gunnarsson, komu færandi hendi með ágóða aðgangseyris frá úrslitaleik Kjarnafæðimótsins og afhenti lyflækningadeild SAk 300.000 krónur
