KA og Þór framlengja samstarfssamning um Þór/KA til loka ársins 2026
Aðalstjórnir og stjórnir knattspyrnudeilda KA og Þór hafa komist að samkomulagi um framlengingu á samstarfssamningi sínum um sameiginlegt meistaraflokkslið kvenna í knattspyrnu, Þór/KA, til loka tímabilsins 2026. Samhliða þeim samningi er gerður samningur um samstarf félaganna um rekstur 2. og 3. flokks kvenna sem gildir í sama tíma.
Félögin hófu samstarf sitt árið 2001 en síðan þá hefur Þór/KA hefur verið eitt af fremstu liðum landsins í kvennaknattspyrnu. Framlenging samstarfsins tryggir áframhaldandi öflugt starf félaganna beggja um eflingu kvennaknattspyrnu á Akureyri og stöðugleika í starfsemi liðsins næstu tvö ár að minnsta kosti.
Samhliða undirritun samningsins vilja stjórnendur beggja félaga lýsa yfir ánægju með áframhaldandi samstarf og telja það mikilvægt skref í að efla kvennaknattspyrnu á Norðurlandi. Mikil fjölgun iðkenda í kvennaknattspyrnu hefur átt sér stað hjá báðum félögunum og því veitir þetta samstarf stúlkum aukin vettvang til að iðka knattspyrnu á hæsta afreksstigi sem og þeim sem vilja iðka knattspyrnu sér til heilsubótar og almennrar ánægju. Öll liðin munu geta iðkað æfingar og keppni á báðum félagssvæðum KA og Þórs.
„Við erum afar ánægð með að hafa tryggt áframhaldandi samstarf um Þór/KA. Við sjáum fram á spennandi tíma og trúum því að þetta sé rétta skrefið fyrir áframhaldandi þróun liðsins,“ segja formenn knattspyrnudeilda félaganna, Sveinn Elías Jónsson frá Þór og Hjörvar Maronsson frá KA.
„Lykilatriði í þessu samstarfi er að aðilar standi saman að þessu með jákvæðnina að leiðarljósi“ segja þeir báðir.
Þór/KA mun halda áfram að þróa unga leikmenn, styðja við afreksmenn og tryggja framgang kvennaknattspyrnu á Akureyri.
Nýjast
-
Skólinn okkar, FSH
Elmar Ægir Eysteinsson skrifar -
KA og Þór framlengja samstarfssamning um Þór/KA til loka ársins 2026
Aðalstjórnir og stjórnir knattspyrnudeilda KA og Þór hafa komist að samkomulagi um framlengingu á samstarfssamningi sínum um sameiginlegt meistaraflokkslið kvenna í knattspyrnu, Þór/KA, til loka tímabilsins 2026. Samhliða þeim samningi er gerður samningur um samstarf félaganna um rekstur 2. og 3. flokks kvenna sem gildir í sama tíma. -
Tillaga um að koma heilsugæslu fyrir við Kjarnagötu - Spennandi staðsetning sem hentar vel -segir Jón Helgi Björnsson forstjóri HSN
„Fljótt á litið er þetta spennandi staðsetning og gæti hentað okkur vel,“ segir Jón Helgi Björnsson forstjóri Heilbrigðisstofnunar Norðurlands. -
Félag verslunar og skrifstofufólks á Akureyri Fjórðungur hefur miklar áhyggjur af fjárhagsstöðunni
Um fjórðungur félaga í Félagi verslunar og skrifstofufólks á Akureyri hefur miklar áhyggjur af fjárhagsstöðu sinni, eða 25,1% svarenda í skoðanakönnun sem Gallup gerði fyrir félagið. Sagt var frá niðurstöðum könnunarinnar á aðalfundi félagsins nýverið en greint er frá fundinum á vefsíðu þess. -
Stórtíðindi fyrir norðurslóðabæinn Akureyri
Um áramótin sameinaðist Stofnun Vilhjálms Stefánssonar (SVS), Háskólanum á Akureyri. Breytingin öðlaðist gildi 1. janúar 2025 en fyrir sameiningu hafði stofnunin heyrt undir Umhverfis- orku og loftslagsráðuneytið frá því hún var stofnuð árið 1998. Sameiningin er liður i að efla enn frekar áherslu HA og háskólasamfélagsins á norðurslóðarannsóknir. -
Úti er ævintýri / Ute er eventyr
Úti er ævintýri er verkefni unnið fyrir miðstig (5, 6 og 7 bekk) í öllum skólum á Íslandi og í Noregi. Verkefnið er unnið í tveimur löndum á sama tíma í íslensku námi og norsku námi -
Öskudagurinn tekinn með stæl í VMA
Eins og vera ber í höfuðstað öskudagsins á Íslandi - Akureyri - var dagurinn tekinn með stæl í VMA. Nokkrir kennarar og nemendur mættu uppáklæddir í skólann í tilefni dagsins. -
Mottumarssokkar fyrir alla karla hjá Samherja
Krabbameinsfélag Íslands tileinkar körlum með krabbamein marsmánuð. Mottumars er árvekni- og fjáröflunarátak félagsins og í ár er sérstök áhersla lögð á tengingu lífsstíls og krabbameina. -
Enginn svikinn af Sex í sveit
Leikfélag Húsavíkur býður upp á frábæra skemmtun í Samkomuhúsinu
