Dagskráin 29. janúar - 5. febrúar - Tbl 4
Toppurinn að spila með landsliðinu
Aníta Ósk Sævarsdóttir, nemandi í VMA og landsliðsmarkvörður U 18 í íshokkí. Mynd vma.is
Toppurinn er að spila fyrir Íslands hönd. Þetta segir Aníta Ósk Sævarsdóttir, nemandi í VMA, sem spilaði með U-18 landsliði Íslands í íshokkí í Tyrklandi 16.-23. janúar sl. Aníta er annar tveggja markmanna liðsins.
Aníta segir að þrátt fyrir að vera í landsliði Íslands hafi hún ekki æft og spilað íshokkí í mörg ár. Áður var hún í fótbolta með Þór en langaði að breyta til og spreyta sig á einhverri annarri íþróttagrein og íshokkí varð fyrir valinu. Hún segist ekki sjá eftir því, íþróttin sé skemmtileg og félagsskapurinn frábær, bæði í liðinu hennar, Skautafélagi Akureyrar, og landsliðinu.
Aníta segir að vissulega geti íshokkí stundum verið nokkuð harður leikur. Sérstaklega takist strákarnir oft hressilega á og megi segja að stundum þróist atið út í slagsmál en þannig sé það þó ekki hjá stelpunum.
Markmaður í íshokkí er bærilega vel brynjaður enda kannski eins gott því hann fær pökkinn oft í sig – stundum beint í höfuðhjálminn. Hún segist hafa fengið pökkinn í hjálminn og einu sinni hafi það orsakað heilahristing. Hún hafi þó ekki látið það slá sig út af laginu, gefið sér góðan tíma til að jafna sig og síðan haldið áfram af fullum krafti.
Aníta segir það vera afar hvetjandi að spila fyrir Íslands hönd, ekki síst þegar vel gangi. Og liðinu gekk vel í Tyrklandi í heimsmeistaramótinu deild 2B – en þar tóku þátt stúlkur í þessum styrkleika- og aldursflokki. Íslenska liðið spilaði fjóra leiki, vann Belgíu, Suður-Afríku og Mexíkó en tapaði fyrir tyrkneska liðinu.
Heimasíða VMA sagði frá
Nýjast
-
Toppurinn að spila með landsliðinu
Toppurinn er að spila fyrir Íslands hönd. Þetta segir Aníta Ósk Sævarsdóttir, nemandi í VMA, sem spilaði með U-18 landsliði Íslands í íshokkí í Tyrklandi 16.-23. janúar sl. Aníta er annar tveggja markmanna liðsins. -
Hollvinir SAk gáfu tækjabúnað fyrir nær 62 milljónir
Á árinu 2024 gáfu Hollvinir Sjúkrahúsinu á Akureyri tækjabúnað að andvirði tæplega 62 milljóna króna. Gjafirnar bæta starfsaðstöðu starfsfólks SAk og gerir þeim kleift að bæta þjónustu við sjúklinga. -
Minningarorð - Brynjar Elís Ákason
Brynjar Elís Ákason. Þar sem englarnir syngja sefur þúSefur í djúpinu væraVið hin sem lifum, lifum í trúAð ljósið bjarta skæraVeki þig með sól að morgniVeki þig með sól að morgniDrottinn minn faðir lífsins ljósLát náð þína skína svo blíðaMinn styrkur þú ert, mín lífsins rósTak burt minn myrka kvíðaÞú vekur hann með sól að morgniÞú vekur hann með sól að morgniFaðir minn láttu lífsins sólLýsa upp sorgmætt hjartaHjá þér ég finn frið og skjólLáttu svo ljósið þitt bjartaVekja hann með sól að morgniVekja hann með sól að morgniDrottinn minn réttu sorgmæddri sálSvala líknarhöndOg slökk þú hjartans harmabálSlít sundur dauðans böndSvo vaknar hann með sól að morgniSvo vaknar hann með sól að morgni Farðu í friði vinur minn kæriFaðirinn mun þig geymaUm aldur og ævi þú verður mér nærAldrei ég skal gleymaSvo vöknum við með sól að morgniSvo vöknum við með sól að morgni Höf: Bubbi Morthens. -
Margir kórfélagarfélagar sungið saman í áratugi
Kirkjukór Húsavíkur er einn af hornsteinum menningar í bænum -
Birkir Blær yfirgefur Universal og freistar gæfunnar á eigin vegum
„Eftir samskipti mín við Universal og reynslu margra annarra tónlistarmanna sem ég þekki hef ég tekið þá ákvörðun að vera sjálfstæður. Fyrir mig er það einfaldara en fyrir marga aðra, því ég spila á öll hljóðfæri sjálfur, tek upp, útset og hljóðblanda allt sjálfur,» segir Birkir Blær Óðinsson 25 ára tónlistarmaður frá Akureyri og Eyjafjarðarsveit sem hefur sagt skilið við Universal útgáfufyrirtækið og hyggst freista gæfunnar á eigin vegum. -
Kaffipressan kaupir Kaffistofuna
Kaffipressan hefur keypt rekstur handverkskaffibrennslu Kaffistofunnar en Kaffistofan hefur sérhæft sig í þróun og sölu á handverkskaffi á Íslandi allt frá stofnun fyrirtækisins í ársbyrjun 2022. -
Grófin Geðrækt komin í nýtt húsnæði
Grófin Geðrækt flutti í nýtt húsnæði í nóvember á liðnu ári eftir að upp kom mygla í húsnæðinu þar sem hún áður var. Einstaklingar voru farnir að finna fyrir miklum einkennum vegna mylgunnar og því bráðnauðsynlegt að koma starfseminni fyrir á nýjum stað hið fyrsta. Nýverið var opið hús á nýja staðnum sem er ekki ýkja langt frá þeim fyrri, en nú hefur Grófin Geðrækt komið sér vel fyrir við Hafnarstræti 97, á efstu hæð hússins og hægt að koma þar að hvort heldur sem er með lyftu frá göngugötunni eða fara um Gilsbakkaveg. -
Listasafnið á Akureyri: Nýtt sýningaár formlega hafið
Á kynningarfundi sem haldinn var í Listasafninu á Akureyri í gær var dagskrá ársins 2025, ný árbók og komandi starfsár kynnt. Einnig var formlega tilkynnt um útgáfu sérstakrar bókar um sýningaröðina Sköpun bernskunnar, þar sem skólabörn og starfandi listafólk leiða árlega saman hesta sína í Listasafninu. Árbók safnsins er nú öllum aðgengileg og gjaldfrjáls í anddyri safnsins auk valdra staða á Akureyri -
Sala Húsavíkurgjafabréfa eykst á milli ára
Á stjórnarfundi Húsavíkurstofu fyrir skemmstu var farið yfir uppgjör á sölu á Húsavíkurgjafabréfunum sem hafa notið vinsælda í jólapökkum Húsavíkinga undanfarin ár en salan bréfanna hefur aukist á milli ára.
