Vetrarbrautskráningarathöfn í fyrsta skipti við Háskólann á Akureyri
Laugardaginn 18. febrúar, kl. 14, verður í fyrsta skipti haldin athöfn fyrir brautskráða kandídata utan Háskólahátíðar í júní. Hún er ætluð kandídötum sem fengu brautskráningarpappíra sína í október 2022 og þeim sem brautskrást 15. febrúar 2023.
„Við vorum langt komin með að skipuleggja athöfnina í fyrra en þá var COVID-19 ennþá að stríða okkur. Háskólinn á Akureyri hefur alltaf brautskráð kandídata í október og febrúar en nú loksins fær þessi hópur brautskráningarathöfn sem vera ber,“ segir Eyjólfur Guðmundsson rektor.
Athöfnin fer fram með hefðbundnu sniði í Hátíðarsal Háskólans á Akureyri og er kandídötum leyfilegt að hafa með sér ótakmarkaðan fjölda gesta. „Þetta er vissulega minni hópur en í júní og því getum við verið sveigjanlegri með gestafjöldann sem hver kandídat skráir með sér,“ segir Katrín Árnadóttir, forstöðumaður Markaðs- og kynningarmála og talsmaður undirbúningsnefndar.
Við athöfnina flytja þau Eyjólfur Guðmundsson rektor og Anna Rósa Friðriksdóttir, fulltrúi kandídata, ræður og Svavar Knútur mun sjá um tónlistina. Að athöfninni lokinni verður Íslandsklukkunni svo hringt enda hefur sú hefð skapast að hringja henni þegar háskólinn brautskráir.
„Við erum að brautskrá um 70 kandídata. Sumir hverjir fengu brautskráningarpappíra sína afhenta í október, en koma nú aftur til okkar til að fagna áfanganum. Það ætti alltaf að fagna öllum áföngum,“ segir Katrín að lokum.
Hægt verður að fylgjast með athöfninni í streymi.
Nýjast
-
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
