Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi.
Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni.
Ropi og listflug
Rjúpnakarrar helga sér óðul og heilla kvenfuglinn með ropi og listflugi. Hún verpir um 12 eggjum, ungar koma eftir 3 vikur og yfirgefa þeir hreiður strax og fylgja móður sinni eftir í 6-8 vikur. Rjúpur með ófleyga unga fljúga í veg fyrir ógnanir, s.s. menn og hunda til að draga þá í burt frá ungahópnum. Þær kurra þegar þær bresta upp og hvetja þannig ungana til að fela sig og kúra sig niður.
Felubúningur
Rjúpan klæðir sig upp í felubúning þrisvar á ári. Á veturna er hún nánast alhvít, brún á sumrin en gráleit á haustin. Rjúpan er staðfugl hér en ferðast oft landshorna á milli. Hún verpir víða um land en áttar sig auðvitað á því að best er að búa á norðaustanverðu landinu. Hún dvelst í lyngmóum, kjarrlendi, skógum og á grónu hrauni. Rjúpur geta halda sig á fjöllum en flogið neðar á heiðum þegar rökkvar.
Matur fátæka mannsins
Rjúpan er einn einkennisfugla íslenskrar náttúru, samofin sögu okkar. Fyrr á árum var rjúpan jólamatur fátæka mannsins, þeirra sem voru of fátækir til að fella sauðfé, og hefur þannig haldið lífi í forfeðrunum.
Aðstöðumunur
Rjúpnastofninn er afar sveiflóttur. Frá því að íslenska þjóðin svalt og nýtti hvað sem vera mátti til að leggja sér til munns var rjúpan matur fátæka mannsins. Áður fóru menn í sauðskinnsskóm, með hund sér til aðstoðar og náðu sér í rjúpur. Í dag fara menn vígbúnir upp á fjöll, með fullkomin drápstól, farartæki og sjónauka.
Meðalhóf og hófsemd.
Það er gömul hefð að menn fari til fjalla og veiði rjúpur fyrir fjölskylduna fyrir jólin. En eins og í flestu skiptir máli að gæta hófs.
Við sveltum ekki lengur. Virðum rjúpuna sem hefur verið hér í 10.000 ár, samofin sögu okkar. Það er ekki magnið sem skiptir máli, heldur njóta, bera virðingu fyrir náttúrunni og vitmunum rjúpunnar.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
