20. nóvember - 27. nóvember - Tbl 47
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
Kosningapróf, sem margir taka þessa dagana, geta verið gagnleg. Þau hjálpa okkur að skýra skoðanir okkar á ýmsum málefnum sem við veltum kannski ekki daglega fyrir okkur. En, eins og flestir hafa tekið eftir, er niðurstaðan oft óskýr. Flokkar lenda á svipuðum stað, eða niðurstaðan breytist eftir því hvaða próf er tekið. Þetta undirstrikar einfalt en mikilvægt atriði: Við erum ekki bara að kjósa stefnu. Við erum að kjósa fólk.
Val á fólki – mikilvægi þingmannsins
Þingmenn eru ekki bara andlit stefnumála. Þeir eru þau sem framkvæma þau og bera ábyrgð á að fylgja þeim eftir. Þegar öllu er á botninn hvolft, þá erum við að ráða 63 einstaklinga til fjögurra ára vinnu. Þess vegna ættum við að spyrja okkur: „Hver verður þingmaðurinn minn?“
Þegar þú kýst, skaltu skoða hverjir eru í framboði í þínu kjördæmi. Þekkja þau þitt svæði og skilja þau þarfir þess? Hvar búa þau? Er það manneskja sem þú getur nálgast, átt í samskiptum við og treystir til að góðra verka fyrir þitt samfélag og okkar þjóðfélag? Þessar spurningar eru kannski mikilvægari en hvort flokkurinn hafi boðið eina milljón hér eða tvær milljónir þar í kosningaloforðum. Þegar stjórnmálamenn vinna fyrir kjósendur, skiptir það sköpum hvort þeir hafi hjartað og heiðarleikann til að vinna fyrir sitt svæði af heilindum. Þetta skiptir máli ekki síst í landsbyggðunum og svo fjarri höfuðborginni sem Norðausturkjördæmið er – og Austurland.
Fjölbreytni skiptir máli
Það er líka mikilvægt að skoða hverjir ná inn á þing fyrir þitt kjördæmi. Er hópurinn fjölbreyttur og endurspeglar hann samfélagið sem hann á að þjóna? Á Íslandi höfum við lengi barist fyrir jafnrétti en samt erum við í þeirri stöðu að karlar eru enn í meirihluta á Alþingi. Í Norðausturkjördæmi er jafnvel líklegt að hlutfallið verði 8 karlar á móti 2 konum. Endurspeglar það okkar samfélag? Varla.
Við vitum hversu mikilvægar og öflugar þingkonur hafa verið fyrir þetta kjördæmi. Þórunn Sveinbjarnardóttir og Líneik Anna Sævarsdóttir eru góð dæmi um konur sem unnu af heilindum og afrekum fyrir sitt svæði og þjóð. Ingibjörg Isaksen, þingflokksformaður Framsóknar, hefur líka skarað fram úr í vinnu sinni á Alþingi og staðið vörð um stóra málaflokka og hagsmuni kjördæmisins. Með henni í forystusætum núna eru Jónína Brynjólfsdóttir og Þuríður Lillý Sigurðardóttir, tvær öflugar konur sem hafa sýnt og sannað sig í sveitarstjórnarmálunum annars vegar í Múlaþing og hinsvegar í Fjarðabyggð. Þessar konur eru sterkar raddir fyrir kjördæmið og nærsamfélög okkar hér á Austurlandi.
Að lokum
Kosningadagar eru hátíðisdagar. Þeir móta framtíð okkar og samfélagsins. Þegar þú velur á kjördag, ekki bara horfa á slagorð eða fögur loforð. Hugsaðu um fólkið sem þú ætlar að treysta til að vinna fyrir þig og þitt svæði. Spurðu þig: „Hver verður þingmaðurinn minn?“ Svaraðu þeirri spurningu af heilindum og þá muntu taka upplýsta og áhrifaríka ákvörðun.
Höfundur: Ásdís H. Bjarnadóttir, skipar 7. sæti á lista Framsóknarflokksins.
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
