Verkefnið Virk efri ár á Akureyri
„Með þessu verkefni erum við að svara kalli frá Félagi eldri borgara á Akureyri um aukið framboð á hreyfingu og virkni,“ segir Héðinn Svarfdal Björnsson verkefnastjóri lýðheilsumála hjá Akureyrarbæ. Virk efri ár er verkefni sem hefst á Akureyri innan tíðar og hefur að markmiði að styðja við heilsueflingu eldri íbúa sveitarfélagsins. Verkefninu er ætlað að styðja og auka hreyfingu eldri íbúa sveitarfélagsins, enda alkunna að regluleg hreyfing bætir heilsu og eykur lífsgæði.
Héðinn segir að ekki sé síður mikilvægt fyrir fólk í þessum aldurshópi að koma saman og eiga góða stund. Fólk mæti á æfingar, stundi íþróttir við hæfi og geri þannig eitthvað skemmtilegt með öðru fólki. „Þetta hefur mikið félagslegt gildi fyrir þátttakendur, fólk kemur saman, hlær og leikur sér og hefur gaman.“
Verkefnið var kynnt í Menningarhúsinu Hofi nýverið og mættu um 220 manns sem sýnir að áhugi á málefninu er mikill. Fjölmargt verður í boði og enn hægt að koma með uppástungur um fleiri valkosti. „Fyrsta lotan hefst eftir á morgun mánudaginn 13 feb og skráningar á það sem í boði er fara vel af stað. Við erum með í allt 12 tilboð um margvíslegar æfingar, blak, borðtennis, göngu- fót og körfubolta, jóga, styrktaræfingar, leiki, frisbígolfinnanhúss, pílu, sundleikfimi, gönguferðir og inni í þetta fléttum við einnig fræðslu,“ segir Héðinn. Árni Árnason og Sigrún Stefánsdóttir verða leiðsögumenn í gönguferðum og munu fræða þátttakendur um ýmislegt það sem fyrir augu ber á leiðinni.
Þrjár lotur yfir árið
Héðinn segir að með því að bjóða upp á fjölbreytt úrval af æfingum ættu allir að finna eitthvað sem hentar, fyrstu viðbrögð bendi til að val á íþróttagreinum hafi tekist ágætlega. „Við finnum fyrir miklum áhuga og skráningar hafa verið umfram væntingar,“ segir Héðinn og gerir ráð fyrir að fleiri bætist við þegar reynsla verður komin á verkefnið. Til stendur að bjóða upp á þrjár lotur yfir árið, fyrri hluta árs og fram á vor, eina yfir sumarið þar sem áhersla verður á útiveru og að nýta þær náttúruperlur sem bjóðast í bæjarlandinu og nágrenni þess og þriðja og síðasta lota ársins hefst að hausti og stendur til jóla.
Mannvirki í eigu Akureyrarbæjar verða nýtt fyrir æfingar, m.a. Boginn þar sem verður innanhúss frisbígolf og göngufótbolti sem dæmi og einnig hentar hann vel fyrir göngur þegar veður er ekki gott eða hálka á götum. Íþróttahöllin hýsir einnig nokkrar æfingar sem og fleiri mannvirki.
Auk þess sem í boði verða æfingar sem stuðla að aukinni hreyfingu og virkni er einnig á dagskrá fræðsla fyrir hópinn þar sem komið verður inn á næringu og svefn. „Okkar leiðarljós er að bjóða upp á fjölbreytta og áhugaverða dagskrá sem kemur fólki vel að gagni í daglegu lífi,“ segir hann. „Við hvetjum þá sem orðnir eru 60 ára eða eldri að kanna hvort ekki leynist eitthvað á dagskránni sem þeir hafa áhuga á. Við vonum að fólk prófi fleiri en eina íþróttagrein
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
