Verði ljós í Norðurþingi 1.desember
Samkomutakmarkanir hafa áhrif á líf okkar þessa dagana með einum eða öðrum hætti. Jólatréssamkomur eru fastur liður víða um land og vandséð hvernig hægt er að framkvæma þær með hefðbundnum hætti þetta árið.
En á tímum sem þessum eru allir lausnamiðaðir og sköpunargáfa mannfólksins brýst fram í okkur með það fyrir augum að þjappa okkur saman og gera þessa litlu hluti sem gera samfélög að þeim samheldnu einingum sem þau eru.
Norðurþing er stórt og víðfeðmt sveitarfélag. Íbúar þess eru rúmlega 3000 og má sem dæmi nefna að það tekur tæplega tvær klukkustundir að aka frá Húsavík til Raufarhafnar. Til samanburðar má nefna að það tekur um það bil jafn langan tíma að aka frá Húsavík og til Dalvíkur.
Fjarlægðin kemur þó ekki í veg fyrir að íbúar þjappi sér saman og haldist hönd í hönd með þeim leiðum sem færar eru.
Fjölskylduráð Norðurþings hefur ákveðið að setja upp viðburð í sveitarfélaginu sem allir geta tekið þátt í hvar sem þeir eru staddir og að sjálfsögðu er gjörningurinn framkvæmanlegur út um allan heim ef út í það er farið!
Viðburðurinn felst í því að sem flestir kveiki samtímis á jólaljósum hjá sér þann 1.desember klukkan 20.00.
Götulýsing verður slökkt um klukkan 19.50 þar sem því verður við komið til að auka á áhrifin og þá er tilvalið fyrir íbúa að slökkva á sínum skreytingum enda margir þegar búnir að skreyta með myndarlegum hætti.
Kirkjuklukkur á Húsavík, Kópaskeri og á Raufarhöfn munu hringja klukkan 20.00 til að gefa íbúum merki um að kveikja á jólaseríum og jólaljósum.
Dagskrá viðburðarins er sem hér segir:
Þriðjudagurinn 1.desember 2020
19.50 – Götulýsing slökkt og íbúar slökkva á jólaljósum hjá sér.
20.00 – Klukkur hringja og íbúar um allt sveitarfélagið og víðar kveikja sín ljós
Íbúar eru hvattir til að taka þátt og kveikja á jólaseríum, jólastjörnum, kertaljósi eða hvað sem það kann að vera og deila upplifun sinni með myllumerkinu #verðiljós á samfélagsmiðlum.
Einnig má nefna að fyrr um daginn munu leikskólabörn tendra ljós á jólatrjám sveitarfélagsins á skólatíma þar sem ekki er mögulegt að halda hefðbundnar jólatréssamkomur þetta árið.
Með þessum viðburði eru íbúar að sameinast í vilja og verki með því að kveikja ljós í mesta skammdeginu.
-F.h. Norðurþings
Kjartan Páll Þórarinsson
Íþrótta- og tómstundafulltrúi
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
