Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum.
Um er að ræða eins kílómetra langan kafla vegarins, milli Bakkavegar og Hafnarsvæðisins og er gert ráð fyrir að hann falli af vegaskrá frá og með 1. desember næstkomandi. Veghald hans verður frá og með þeim tíma ekki á ábyrgð Vegagerðarinnar. Sveitarstjórn Hörgársveitar hefur mótmælt þessum áformum
Rúna Ásmundsdóttir deildarstjóri tæknideildar á Norðursvæði segir að frá árinu 2018 hafi Hjalteyrarvegur sem fer í gegnum þéttbýlið á Hjalteyri verið skilgreindur sem tengivegur á vegaskrá á þeim forsendum að þar hafi verið starfrækt hvalaskoðun. Tengivegir geta m.a. legið að höfnum sem séu mikilvægar fyrir flutninga- og ferðaþjónustu samkvæmt skilgreiningu vegalaga.
Höfnin ekki lengur nýtt af hvalaskoðunarfyrirtækjum
Fram kemur í bréfi Vegagerðar til Hörgársveitar að núverandi endapunktur vegarins sé við hafnarsvæðið á Hjalteyri þar sem áður var starfrækt hvalaskoðun. Svo er ekki lengur og höfnin þar ekki nýtt af hvalaskoðunarfyrirtækjum. Á þeim grundvelli telur Vegagerðin að umræddur tengivegur eiga að enda við fyrstu þvergötu sem tilheyrir vegakerfi þéttbýlisins, skv. skilgreiningu vegalaga. Þau mörk séu vestan við vegamót við Bakkaveg og veginn að Hjalteyrarskóla.
„Það er engin hvalaskoðun starfrækt á Hjalteyri og engin gögn benda til annars en að miða eigi við að Hjalteyrarvegur skuli enda við fyrstu þvergötu þéttbýlis. Hjalteyrarvegur verður áfram tengivegur að þéttbýlinu en ekki í gegnum það,“ segir Rúna.
Hún segir að nú taki við samskipti við sveitarfélagið um ástand vegarins og hvort önnur hafntengd starfsemi sem mikilvæg sé fyrir flutninga og ferðaþjónustu sé til staðar á Hjalteyri. Sveitarfélaginu hefur verið gefinn kostur á að koma sínum athugasemdum á framfæri.
Nýjast
-
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu. -
Metsöfnun Dekurdaga í ár, 6,7 milljónir
Styrkurinn fyrir Dekurdaga árið 2024 var afhentur í Hofi við hátíðlega athöfn á dögunum og var enn og aftur slegið met, því upphæðin hljóðaði upp á kr. 6.700.000!! Upphæðin safnaðist með þátttökugjöldum fyrirtækja, sölu á bleikri slaufu í staur og almennum styrkjum frá fyrirtækjum og félagasamtökum. Að auki voru mörg fyrirtæki með uppákomur þar sem safnað var pening í söfnunina.
