Út á guð og gaddinn
Á dögunum bárust Akureyringum til eyrna þær fregnir að verið væri að brýna niðurskurðarkutann hjá stjórn Akureyrarbæjar.
Þannig fréttir eru alltaf slæmar og þegar sveðjunni er beint að viðkvæmum málefnum og hópum, eru slíkar aðfarir bæjarstjórn síst til sóma.
Á tímum sem kalla beinlínis á nýja almenningssundlaug á Akureyri, þar sem Akureyrarlaug er, ef marka má aðsóknina, að verða, eða orðin of lítil og er auk þess í miðju bæjarins, víðs fjarri úthverfunum, er í athugun að loka Glerársundlaug fyrir almenningi og taka þannig af stórum hópi eina úrræðið sem hann hefur til viðhalds kroppi og sál.
Fyrir utan minnstu börnin sem koma til að busla og læra á lífið í hlýrri og notalegri lauginni, koma í hana stórir hópar glaðra barna sem æfa þar sund og fá um leið andlega örvun og handleiðslu í lífsleikni hjá elsku Dillu.
Í Glerárlaug kemur einnig fólk með stoðkerfisvandamál, eldra fólk og fatlað til að þjálfa sig, auk þess sem fjölmennur hópur fólks mætir þangað eftir aðgerðir eða erfið veikindi og þarf á endurhæfingu að halda. Glerársundlaug hefur gegnt stóru hlutverki fyrir þetta fólk og sumir væru ekki færir um nema brot af því sem þeir geta í dag, ættu þeir ekki þennan griðarstað og frábæran sjúkraþjálfara sem hefur af fórnfýsi og hlýju haldið mörgum bókstaflega gangandi í gegnum árin, andlega og líkamlega.
Við annan enda Glerársundlaugar er stóll í lyftu fyrir þá sem af ýmsum ástæðum geta ekki sjálfir komið sér ofan í laugina og í hinum endanum eru tröppur sem hafa svo sannarlega sannað gildi sitt fyrir fatlað og veikt fólk.
Bent hefur verið á að til séu aðrar sundlaugar og og það geti varla verið svo erfitt að fara í þær. En málið er hreint ekki svo einfalt.
Flöskuhálsinn er ekki aðgengið að Akureyrarsundlaug , því að fyrir fólk sem þarf að þjálfa sig er ekki nóg að til sé stór og flott sundlaug, það þarf líka að bjóða upp á auðvelda leið ofan í hana. Sú leið er ekki til í Akureyrarsundlaug og því mun þónokkur hópur eldra fólks og -eða fatlaðs hætta að fá þá hjálp sem sundiðkun og sundleikfimi hefur verið því. Sundlaugin er auk þess mun kaldari en Glerárlaug, enda ekki til þess gerð að endurhæfa hægfara fólk og koma því í virkni. Til þess þarf sérhannaða laug eins og Glerársundlaug.
Um innilaugina þarf ekki að fjölyrða, hún er einungis aðgengileg þeim sem geta skoppað stiga upp og niður án mikilla vandkvæða. Fyrir svo utan að í hana vantar einnig þau hjálpartæki sem fötluðum eru nauðsynleg. Svo mætti hugleiða hvort pláss sé fyrir meiri starfsemi í Akureyrarlaug og hvort þyrfti þá fleira starfsfólk í afgreiðslu og klefagæslu....
Glerársundlaug var byggð í samstarfi við Sjálfsbjörg, því að það vantaði þjálfunarlaug fyrir skjólstæðinga hennar. Því var hún hönnuð með þá í huga og þó að Sjálfsbjörg hafi síðar gengið úr skaftinu og Akureyrarbær yfirtekið reksturinn, er Glerársundlaug enn sú eina sem sinnt getur þeim viðkvæma hópi fólks sem nú á að úthýsa.
Hætt er við að sparnaður í þessa veru snúist í andhverfu sína þegar frá líður, því að þeir sem mest þurfa á þjónustu Glerársundlaugar að halda, gætu endað sem „byrði" á heilbrigðiskerfinu og það er líka dýrt. Nema auðvitað að þeir yrðu settir á jötu gleymskunnar, þar sem aldrei er gefið á garðann. Það yrði þá ekki í fyrsta skipti sem heilbrigðiskerfið brygðist fólki.
Við getum engan veginn unað því að eina úrræði margra til endurhæfingar og þar með betra lífs, verði troðið ofan í kokið á okkur.
Því biðjum við bæjarstjórn Akureyrar að endurskoða þessa afleitu hugmynd.
Anna Dóra Gunnarsdóttir
Margrét S. Kristjánsdóttir
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
