20. nóvember - 27. nóvember - Tbl 47
Uppskeruhátíð ferðaþjónustunnar á Norðurlandi
Katrín Harðardóttir frá MN, Rúnar Óskarsson, Stefán Kristjánsson og Júlíana frá
Pólarhestum, Evelyn Ýr sem tók við viðurkenningu fyrir Kakalaskála, Arnheiður
Jóhannsdóttir framkvæmdastjóri MN og Halldór Óli Kjartansson frá MN
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði.
Pólarhestar
Viðurkenningin Fyrirtæki ársins er veitt fyrirtæki sem er búið að slíta barnsskónum og hefur skapað sér sterka stöðu á markaði. Fyrirtækið Pólarhestar hlaut viðurkenninguna í ár. Fyrirtækið er rótgróið og fagnar 40 ára afmæli á næsta ári. Þar er þó ekki slegið slöku við eftir allan þennan tíma, heldur hafa forsvarsmenn fyrirtækisins stöðugt sótt inn á markaði og aðlagað sig að aðstæðum hverju sinni. Fyrirtækið býður upp á hestaferðir allan ársins hring og leggur áherslu á persónuleg samskipti og góða tengingu við sína gesti til að tryggja að þeirra upplifun verði sem allra best.
Fjallasýn
Rúnar Óskarsson eigandi Fjallasýnar fékk viðurkenningu fyrir störf í þágu ferðaþjónustu á Norðurlandi. Fyrirtæki hans hefur verið starfandi í meira en fjörutíu ár og hefur alla tíð lagt áherslu á ferðalög um Norðurland, þá sérstaklega Norðurhjarasvæðið og Demantshringinn. Höfuðstöðvar þess eru í Reykjahverfi en býður þjónustu sína um allt land sé þess óskað. Rúnar hefur verið mikill talsmaður þess að vetrarferðaþjónusta á Norðurlandi verði efld, til að renna styrkari stoðum undir bæði hans fyrirtæki og önnur í ferðaþjónustu eða henni tengdri.
Kakalaskáli
Kakalaskáli á Kringlumýri í Skagafirði hlaut hvatningarverðlaun árins. Þar er hægt að sjá sýningar um sögu Sturlungaaldar og hinn mannskæða Haugsnesbardaga sem var háður í apríl 1246.
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
