Upplýsingar+uppljóstranir=aðhald
Sú breyting sem orðið hefur á aðgengi almennings að upplýsingum með tilkomu internetsins dylst varla neinum. Á sekúndubroti er hægt að deila upplýsingum með allri heimsbyggðinni sem geta haft áhrif langt út fyrir veraldarvefinn. Eina leiðin fyrir okkur til að geta tekið upplýstar ákvarðanir, kallað eftir breytingum og tekið þátt í lýðræðinu er að fá allar upplýsingar upp á borðið. Þess vegna skiptir hið margumtalaða gagnsæi svo miklu máli, því lýðræðið deyr í myrkinu eins og segir í slagorði Washington Post.
Uppljóstranir mála sem ekki þola dagsljósið og áttu að fara leynt, hafa færst í vöxt undanfarna áratugi og er það vel. Þar má helst nefna Panamaskjölin sem afhjúpuðu auðugt fólk um allan heim, m.a. á Íslandi, sem neytir allra bragða til skattaundanskota og svíkst undan þeirri samfélagslegu skyldu sinni að taka fullan þátt í samfélaginu. Í þeim hópi má finna forystufólk í íslenskum stjórnmálum. Ekki má heldur gleyma skjölunum sem vörpuðu ljósi á viðurstyggilega framkomu eins stærsta sjávarútvegsfyrirtækis landsins í Namibíu, sem bitnar harkalega á fátækri alþýðu þess lands.
Píratar hafa frá upphafi sett aðgang almennings að upplýsingum í öndvegi. Í því sambandi má nefna að laun og kostnaðargreiðslur þingmanna voru gerðar opinberar eftir að Björn Leví Gunnarsson, þingmaður Pírata, hafði margsinnis krafið þingforseta um þær. Þær má núna finna á vef Alþingis https://www.althingi.is/.
Vegna þessarar ýtni erum við margs vísari um greiðslur upp á tugi milljóna til þingmanna vegna aksturs, tvöfalds heimilishalds og annars kostnaðar. Einföld leit leiðir t.d. í ljós að tiltekinn þingmaður Norðausturkjördæmis, sem gegnir hlutverki formanns í stjórnmálaflokki, hefur frá 2013 til loka apríl á þessu ári þegið 12.650.716 króna vegna tvöfalds heimilishalds en á því leikur vafi hvort viðkomandi þingmaður hafi í raun haldið heimili á tveimur stöðum.
Hingað til hafa Alþingismenn haft fullt frelsi til að láta skattgreiðendur borga kostnað vegna kosningabaráttu en nú bregður svo við að það hefur verið bannað. Giskið nú, ágætu lesendur, hvers vegna tekið var fyrir það? Jú, líklegast vegna ýtni Pírata.
Þessi hugsjón okkar Pírata, þ.e. að fá allar upplýsingar upp á borðið, hefur rekið mig áfram í baráttu minni við kerfisfólkið hjá Akureyrarbæ, embættisfólk jafnt sem kjörna fulltrúa. Ég mun halda þessari baráttu minni áfram á vettvangi Alþingis, fái ég til þess brautargengi í haust, enda kemur öflugt aðhald í veg fyrir spillingu, fúsk og flumbrugang.
-Höfundur er oddviti Pírata í Norðausturkjördæmi við kosningar til Alþingis 25. september nk.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
