Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
„Þegar ég ræddi málin við Hilal áttuðum við okkur á því að lítið væri um rannsóknir á þessu sviði á Íslandi. Það sem meira er, við uppgötvuðum að það eru fáir áreiðanlegir mælikvarðar til þess að meta mismunandi þætti í uppeldi. Þessi uppgötvun hvatti okkur til að framkvæma rannsóknina og vakti löngun til að skilja áhrif mismunandi uppeldisaðferða á hegðun barna á Íslandi,“ útskýrir Sigurbjörg um aðdragandann að því að hún ákvað að rannsaka viðfangsefnið.
Hilal Sen hefur áður unnið með Dr. Craig H. Hart frá Brigham Young háskóla í Bandaríkjunum sem er rannsakandi og sérfræðingur í uppeldisfræðum. Hilal bætir við: „Það er útbreidd vitneskja að uppeldi og hlutverk foreldra skipa veigamikið hlutverk í lífi barna en þrátt fyrir það vitum við lítið um aðferðir í uppeldi á Íslandi. Með því að rannsaka og greina til dæmis notkun á hlýju og stjórnun ásamt fleiri þáttum í uppeldi, vonumst við til að fá verðmæta innsýn sem gæti aukið skilning okkar á þroska barna í íslensku samhengi og greina hvort það sé mismunandi eftir svæðum.“
Þegar Hilal vann að doktorsgráðunni sinni aðstoðaði hún Dr. Hart í alþjóðlegri rannsókn sem bar saman uppeldisaðferðir í Bandaríkjunum og Tyrklandi. Dr. Hart hefur verið Hilal og Sigurbjörgu innan handar í undirbúningi rannsóknarinnar og mun vera áfram.
Rannsóknin innlegg í framtíðarstefnumótun
„Við vonumst til að niðurstöður rannsóknarinnar verði efniviður í tillögur til forráðafólks, kennara og stefnumótunaraðila. Við vonum einnig að rannsóknin verði ekki einungis til sem verðmæt innsýn sem dýpkar skilning á uppeldisaðferðum heldur muni hún einnig reynast gagnleg á breiðari vettvangi þroskasálfræði,“ segir Hilal aðspurð um væntingar til rannsóknarinnar. Hún bætir við að hún vonist til að niðurstöðurnar hvetji til frekari rannsókna á þessu sviði og ekki megi horfa framhjá því virði sem felst í því að prófa og þróa mælikvarða sem hægt er að nota í íslensku samhengi sem vöntun er á í dag.
Gögnum verður safnað í gegnum veflægan spurningalista sem inniheldur bæði lýðfræðispurningar ásamt spurningum um uppeldi og börn. Svörun á listanum tekur um 15 til 20 mínútur. Markmiðið er að safna nægum gögnum sem geta verið undirstaðan í rannsókn á uppeldisaðferðum á Íslandi og það er gríðarlega mikilvægt að fá svörun foreldra alls staðar að af landinu.
Vilt þú láta orðið ganga? Við kunnum að meta það ef þú ert til í að deila könnunni. Markmið okkar er að ná til íslenskumælandi forráðafólks til þess að tryggja úrtaksgerðina. Endilega deilið á samfélagsmiðlum, með vinum eða fólkinu í kringum ykkur.
Hér er slóðin til að deila: https://tinyurl.com/bdhzw988
Ert þú foreldri barns á aldrinum 3 til 12 ára?
Okkur langar að bjóða þér að taka þátt í rannsókninni okkar sem ber heitið „Uppeldi á Íslandi í dagsins önn“.
Við erum rannsakendur við Háskólann á Akureyri og erum að skoða uppeldishætti foreldra og félags- og tilfinningaþroska barna. Þú tekur könnun sem samanstendur af spurningum í gegnum snjalltæki að eigin vali. Spurningarnar snúa að þér, fjölskyldu þinni og hlutverki þínu sem foreldri. Það tekur á bilinu 15-20 mínútur að ljúka könnunni. Svör þín eru nafnlaus og fullum trúnaði er heitið.
Þú finnur könnunina hér: https://tinyurl.com/bdhzw988
Sigurbjörg Anna & Hilal Şen
Heimasíða: www.thecutelab.com
Nýjast
-
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar. -
Fjárhagsáætlun Akureyrarbæjar fyrir árið 2025 lögð fram
Fjárhagsáætlun Akureyrarbæjar fyrir árið 2025 var lögð fram á fundi bæjarstjórnar sem haldinn var í Hrísey í dag. Rekstrarafkoma A- og B-hluta er áætluð jákvæð um 1.414 milljónir króna eftir fjármagnsliði og tekjuskatt. Jafnframt var lögð fram þriggja ára áætlun áranna 2026-2028. -
Sannkallaðir kyndilberar íþróttarinnar
Lýstu upp gönguskíðasvæði Húsavíkinga -
Baráttan sem ætti að sameina okkur
Það liggur þráður í íslensku þjóðarsálinni sem tengir okkur við landið. Okkur þykir vænt um það, við erum stolt af náttúrunni. Þó getur hlaupið snurða á þráðinn þegar samfélögum er stillt upp við vegg og þeim lofað öllu fögru, séu þau tilbúin að fórna náttúrunni. Fólk og fjármunir streymi til viðkvæmra svæða í skiptum fyrir að landi sé sökkt, vatnsfarvegum breytt, vindorkuver reist á sjóndeildarhringnum eða firðir fylltir af fiskeldi. Jafnvel sálir sem elska landið sitt geta látið glepjast, en auðhyggjuöflin sem sjá hvern blett ósnortinnar náttúru sem vannýtt gróðatækifæri hafa hag samfélagsins aldrei að sínu markmiði. -
Tæplega 500 nemendur Lundarskóla frá námi.
Á miðnætti hófst verkfall í nokkrum leik og grunskólum á landinu og er Lundarskóli fjölmennasti grunnskóli bæjarins einn þeirra.
