20. nóvember - 27. nóvember - Tbl 47
Uppbygging Akureyrarflugvallar
Njáll Trausti Friðbertsson
Njáll Trausti Friðbertsson skrifar
Í upphafi heimsfaraldursins var fyrsti af fimm fjáraukum ársins 2020 samþykktur á Alþingi. Þar var ákveðið að fara í fjárfestingarátak upp á 18 milljarða til að bregðast við alvarlegum afleiðingum faraldursins á efnahag og atvinnulíf þjóðarinnar.
Hluti af þessu átaki var að hefja framkvæmdir við stækkun flughlaðs og flugstöðvar á Akureyrarflugvelli. Í þessu skrefi var settur rúmur hálfur milljarður í verkefnið og gert ráð fyrir að klára fjármögnun þess þannig að það yrði hluti af fjárfestingarátaki ríkisstjórnar fyrir árin 2021, 2022 og 2023 sem viðbragð við efnahagsáfallinu í tengslum við heimsfaraldurinn. Heildarkostnaður við að ljúka framkvæmdum við viðbyggingu flugstöðvarinnar og stækkun flughlaðs er rétt um tveir milljarðar króna.
Staða framkvæmda
Í lok mars á þessu ári var lokið við framkvæmdir í tengslum við neðra burðarlag nýs flughlaðs. GV Gröfur voru með þann verkþátt og kláruðu með prýði innan tímaáætlunar. Nú er unnið að því að bjóða út efra burðarlagið, malbikun og lagnir og miðað við að þeim verkþætti ljúki sumarið 2023.
Í desember var skrifað undir samning um stækkun flugstöðvarinnar og gert er ráð fyrir að þeim framkvæmdum ljúki einnig sumarið 2023. Þetta eru framkvæmdir sem eru sýnilegar almenningi.
Ný aðflug
Fleiru þarf þó að ljúka hið fyrsta, sem ekki er eins sýnilegt en ákaflega mikilvægt. Það snýr að nýrri tækni í aðflugi til norðurs, sem stuðla mun að bættu aðgengi og auknu öryggi. Það byggist á nýjum alþjóðlegum forskriftum sem íslenskir flugvellir þurfa að taka upp.
Horft er til þess að nýta sambærilega tækni og Færeyingar hafa gert í áratug vegna Vogaflugvallar, sem verulega hefur styrkt flug til Færeyja sem gerir það mögulegt að lenda í lægra skýjafari og verra skyggni en áður.
Uppsetning svipaðra aðfluga við Akureyrarflugvöll og á sérstaklega fyrir braut 01, það er þegar lent er til norðurs, mun styrkja nýtingarstuðul vallarins.
Spennandi tímar framundan
Hér er líka rétt að líta til þess að um er að ræða mikilvægar framkvæmdir við uppbyggingu alþjóðaflugvallakerfis á Íslandi. Hér er unnið að því að efla varaflugvallakerfi landsins og í því sambandi er einnig rétt að líta til mikilvægi Egilsstaða- og Reykjavíkurflugvallar í því samhengi og uppbyggingar og styrkingar þeirra í tengslum við það mikilvæga hlutverk.
Spennandi tímar eru framundan í ferðaþjónustu á Íslandi. Ekki síst fyrir okkur landsbyggðafólk, nú þegar Niceair opnar nýja glugga út í heim á komandi misserum.
Ég er mjög bjartsýnn fyrir hönd íslenskrar ferðaþjónustu og þá sérstaklega á landsbyggðinni nú þegar við sjáum fyrir endann á heimsfaraldrinum. Við höfum góða vöru að bjóða þar sem ferðamenn geta ferðast um landið, sótt í fámennið og notið kyrrðar í íslenskri náttúru. Það eru svo sannarlega spennandi tímar framundan.
Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
