20. nóvember - 27. nóvember - Tbl 47
Uppáhalds... flugan mín
Guðrún á góðri stundu Myndir aðsendar
Þegar kemur að því velja eina flugu úr frumskógi veiðiflugna vandast málið. Ein þeirra hefur þó gefið mér flesta laxa gegnum tíðina og hlýtur því vinninginn að þessu sinni. Sú heitir Sunray Shadow og finnst líklega í flestum veiðiboxum á landinu og þó víðar væri leitað.
Upphaflegur arkitekt þessarar vinsælu laxveiðiflugu var Bretinn Raymond Brooks en hannn hannaði fluguna snemma á sjöunda áratugnum er hann var við veiðar ásamt konu sinni í hinni sögufrægu laxveiðiá Lærdalselva í Noregi. Titill flugunnar er sóttur í nafn veiðikofa sem þau hjónin bjuggu í við ána, kallaður Sunray Lodge og því hvernig flugan birtist sem skuggi í vatninu ((shadow). Fluguna hnýtti Raymond sem túbu og notaði til þess svört apahár í langan væng flugunnar, stíf hvít íkornahár til að styðja undir vænginn og smellti síðan páfuglsfönum ofan á allt saman til að gera fluguna meira áberandi. Í dag nota menn annan efnivið í fluguna og ýmsar útfærslur finnast hvað varðar lit, gerð, þyngd ofl.
Það eru vissulega til fallegri og flóknari flugur en Sunrayinn en það er ekki spurt um útlit ef flugan er veiðin. Þegar hún er komin í vatn lifnar hún við og hreyfist fallega þannig að laxarnir sérstaklega þessir nýgengnu verða brjálaðir í hana. Ef flugan er dregin í yfirborðinu er oft hægt að sjá þegar laxinn tekur því hann kemur upp á yfirborðið og bókstaflega ræðst á fluguna. Flugan hefur ekki hlotið íslenskt heiti svo ég viti en bein þýðing gæti verið „Sólargeisli skuggans“
Síðasti laxinn sem féll fyrir Sunray shadow flugunni hjá undirritaðri fékkst úr Jökulsá á Dal sem í daglegu tali er nefnd Jökla. Ég ólst upp á bökkum Jöklu og þykir því býsna vænt um ána. Við hjónin vorum við veiðar á svokallaðri Gauksstaðabreiðu, eigi langt frá æskiheimilinu. Þetta er stór og mikil breiða og við höfðum séð lax stökkva langt útí á
Gauksstaðabreiðan er stór og mikill veiðistaður
Bóndi minn Árni Jóhannesson veiddi með tvíhendu og náði að kasta lengra og betur á laxinn og var búinn að landa tveimur löxum þegar. Það var því öll pressan á mér. Reynsla mín með tvíhendu var hinsvegar af skornum skammti og þrjóskaðist ég því með einhenduna mína vopnuð margumtalaðri Sunray shadow flugu. Straumurinn á breiðunni var talsverður,botninn grýttur og steinar hálir sem gerði mér lífið leitt. Ég var við það að gefast upp þegar ég sá lax stökkva og það gaf mér byr undir báða vængi.
Ég fikraði mig aðeins lengra útí strauminn og lét vaða vopnuð títtnefndum Sunray Shadow og freistaði þess að koma flugunni fyrir laxinn og viti menn, bang, hann var á. Sá silfurlitaði lét finna vel fyrir sér en eftir talsverða baráttu kom á land spikfeit og björt 76 sm hrygna.
Veiðikonan var að vonum sæl og ánægð og brosti allan hringinn eins og sjá má á myndinni.
Sunray Shadowinn hans Raymons svíkur ekki :-)
Guðrúnu leiðist ekki á þessari mynd.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
