20. nóvember - 27. nóvember - Tbl 47
Ungt fólk og Norðurþing
Halldór Jón Gíslason
Halldór Jón Gíslason skrifar
Mig langar að skrifa nokkur orð um málefni sem er mér mjög hugleikið, ekki einungis vegna starfa minna sem aðstoðarskólameistari í Framhaldsskólanum á Húsavík, heldur vegna þess að mér er annt um framtíð samfélagsins í Norðurþingi og þar er unga fólkið okkar lykillinn. Við þurfum að hlúa að ungmennum.
Ungt fólk hefur sterka rödd, réttlætiskennd og gegnir mikilvægu hlutverki í samfélaginu. Þau skipa stórann sess í menningar- og íþróttastarfi auk þess að vera þátttakendur á vinnumarkaðinum hérna. V-listinn vill efla rödd þessa einstaklinga og þátttöku þeirra í stjórnsýslunni og ákvarðanatöku sem þar fer fram, til dæmis um málefni sem varða þau sjálf. Til þess þarf að efla samfélagsvitund ungs fólks og ungmennaráð gegnir þar stóru hlutverki. Við viljum efla ungmennaráð, sækja í erlenda sjóði og styrkja ungt fólk í alþjóðlegu samhengi. Vinna með ungu fólki að verkefnum sem hlúa að inngildingu íbúa af erlendum uppruna í samstarfi með aðkomu fjölmenningarfulltrúa sveitarfélagsins sem hefur unnið gríðarlega mikilvægt starf á síðustu árum. Fá hugmyndir þeirra að eflingu samfélagsins, því ég veit af eigin raun að unga fólkið okkar er alltaf að rannsaka og grann skoða samfélagið sitt og hefur oft ferska sýn sem við hin eldri getum tekið mark á.
Við á V-listanum viljum einnig leggja sérstaka áherslu á að gera sveitafélagið okkar hinseginvænt. Sú vinna byrjar í skólastofunni. Okkur þykir ljóst að aðstöðumunur hinsegin barna, ungmenna og fjölskyldna er töluverður eftir búsetu. Þarna þurfum við að huga að fræðslu og stuðningi. Með auknu samstarfi við önnur sveitafélög er hægt að byggja upp nauðsynlega þjónustu við hinseginfólk í landshlutanum. Þetta væri hægt að gera í góðu samráði við Samtökin 78.
Á V-lista er mikið af ungu fólki sem vill efla samfélagið og gera því gott og með aðstoð enn yngra fólks, getum við gert samfélagið okkar fjölskylduvænna og meira aðlaðandi fyrir ungmenni til frambúðar.
Halldór Jón Gíslason
Undirritaður er aðstoðarskólameistari Framhaldsskólans á Húsavík og skipar 4. sæti á V-lista í Norðurþingi.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
