Hverju munar um mig?
Því skýtur reglulega upp í kolli mínum hversu léleg við Íslendingar erum að nota áhrif okkar þegar okkur er misboðið.
Ég hef talað um að við kjósum ekki “með fótunum” það er að við sniðgöngum ekki þá sem hafa að okkar mati gert það sem við teljum ekki rétt. Máttur almennings, hvers og eins, getur nefnilega verið mikill.
Nýlega barst frétt frá Danmörku um að almenningur reyndi að sneiða hjá bandarískum vörum í mótmælaskyni við framferði þeirra á þessum síðustu og verstu. Tollastríðið sem nú er hafið í heiminum er tilefni til að við hugsum um hvaðan varan sem við neytum kemur.
Sjálf er ég þannig neytandi að ég hef of lítið verið að velta þessu fyrir mér þar til ég komst að því að uppáhalds hárvörurnar mínar koma frá Ísrael. Ég snarhætti að nota þær og fann aðrar jafn góðar. Og þótt ég borði lítið sælgæti og aldrei morgunkorn er að finna svo ótalmargt í skápunum mínum eins og krydd og alls konar bökunar- og niðursuðuvörur. Þá er stór hluti snyrtivara sem seldar eru hér á landi framleiddar í Bandaríkjunum og svo mætti lengi telja.
Kauphegðun skiptir máli!
Rússneskar vörur reka ekki á fjörur mínar; veit að minnsta kosti ekki til þess, en í hillum verslana er mjög mikið um vörur framleiddar í Bandaríkjunum. Nú hugsa flestir sennilega sem svo, “hverju munar um mig?” Og þar liggur hundurinn grafinn! Það er svo þægilegt að halda að kauphegðun hvers og eins breyti engu og halda þar með áfram að kaupa það sem við erum vön og þykir gott.
Eins og einhverjir sem þetta lesa vita dvaldi þessi rúmlega miðaldra kona nýlega á Spáni. Þar á bæ er mjög lítið um vörur frá Bandaríkjunum í stærstu matvöruverslununum og ekki söknuðum við þess. Spánverjar virðast að mestu framleiða sinn mat sjálfir og er hann í hæsta gæðaflokki. Vissulega var að finna hina bresku verslun Iceland þar sem úði og grúði af góssi sem við þekktum heiman frá en þar inni var allt starfsfólk og viðskiptavinir breskir og líklegt að fáir Spánverjar venji þangað komur sínar.
En að kjarna málsins. Hvernig væri að við notuðum þá aðferð að sniðganga vörur frá til dæmis Bandaríkjunum og Ísrael til að láta vandlætingu okkar í ljós? Að sniðganga vörur frá þeim löndum þar sem ráðamenn fara fram með offorsi og yfirgangi. Heildsalar munu kannski emja en við höfum stutt þá nógu lengi.
Akureyringar sönnuðu það á dögunum að það er hægt að bregðast við þegar mikið liggur við þegar þeir þyrptust í Bónus þegar í boði var 30% afsláttur.
Þetta er mjög öflugt verkfæri og ég lýsi hér með eftir fólki sem er til í þessa vegferð með mér.
Höfundur er áhugamaður um almenna velferð.
Nýjast
-
Sveitarstjórn Grýtubakkahrepps samþykkir bókun um fyrirhugaða hækkun veiðigjalda
Sveitarstjórn Grýtubakkahrepps fjallaði um hugmynd ríkisstjórnarinnar um hækkun veiðigjalda á fundi í gær mánudag. Á www.grenivik.is má lesa eftirfarandi. -
Fé án hirðis
Í vikunni var því fagnað að 5 ár voru liðin frá því að fjárveiting til stækkunar flugstöðvarinnar á Akureyri var samþykkt. Framkvæmdin kom úr sérstökum Covid-fjárheimildum á veirutímanum og var alls 900 milljónir, svo aðstaðan á flugvellinum gæti stutt við aukið millilandaflug. -
Ákvarðanir teknar í Reykjavík – afleiðingarnar skella á okkur
Við sveitarstjórnarmenn Framsóknar lýsum yfir alvarlegum áhyggjum af fyrirhugaðri hækkun veiðigjalda sem ríkisstjórnin hefur lagt fram. Tillagan ber með sér skort á skilningi á mikilvægi sjávarútvegsins fyrir atvinnulíf og byggðafestu vítt og breitt um landið. -
Hverju munar um mig?
Því skýtur reglulega upp í kolli mínum hversu léleg við Íslendingar erum að nota áhrif okkar þegar okkur er misboðið. -
Kvíaból í Kaldakinn fyrirmyndarbú nautgripabænda
Bændurnir á Kvíabóli hlutu viðurkenninguna Fyrirmyndarbú Nautgripabænda BÍ á dögunum og tóku þau Haukur Marteinsson og Ingiríður Hauksdóttir á móti verðlaununum. -
VMA - Látið bara vaða!
Emilía Björt Hörpudóttir og Lilja Lind Gunnlaugardóttir eru á fjórðu önn í námi sínu í húsasmíði. Í vetur hafa þær verið í stórum hópi nemenda sem byggir frístundahús frá grunni – ekki eitt heldur tvö. Þær voru að bjástra uppi á svefnlofti í minna frístundahúsinu þegar kíkt var inn í byggingadeildina. Í stærra húsinu er allt á fullu og það komið lengra en oft áður. Bæði nemendur í pípulögnum og rafvirkjun hafa lagt sín lóð á lóðarskálarnar við byggingu og frágang húsanna. -
Norðurþing Kostnaðarauki upp á 60 til 70 milljónir
Minnisblað fjármálastjóra Norðurþings vegna áhrifa nýgerðra kjarasamninga sveitarfélaganna við Kennarafélögin var lagt fram á fundi byggðaráðs Norðurþings. -
Aðför að landsbyggðinni – og tilraun til að slá ryki í augu almennings
Það er ekki hægt að tala um sátt í sjávarútvegi þegar aðgerðir stjórnvalda beinast ekki gegn þeim sem bera mesta ábyrgð heldur bitna í reynd á fólkinu og byggðunum sem atvinnugreinin heldur uppi. -
Knattspyrnudómarafélag Norðurlands styrkir lyflækningadeild SAk
Fulltrúar Knattspyrnudómarafélags Norðurlands, Aðalsteinn Tryggvason og Bergvin Fannar Gunnarsson, komu færandi hendi með ágóða aðgangseyris frá úrslitaleik Kjarnafæðimótsins og afhenti lyflækningadeild SAk 300.000 krónur
