6. nóvember - 13. nóvember - Tbl 45
Um tugur Úkraínumanna komnir til Akureyrar
Mynd/ Þorgeir Baldursson
Um það bil tíu flóttamenn frá Úkraínu eru komnir til Akureyrar og er von á fleirum á næstu dögum. Það er RÚV sem greinir frá þessu og þar kemur fram að skortur á íbúðarhúsnæði sé helsta áskorunin við að taka á móti fólki á flótta.
Haft er eftir Önnu Marit Níelsdóttur, forstöðumanni félagsþjónustusviðs Akureyrarbæjar, að bæjaryfirvöld hafi strax lýst yfir vilja til að fá flóttafólk frá Úkraínu til bæjarins. Bæjarfélagið hafi áður tekið á móti stórum hópum flóttafólks og hafi af því góða reynslu.
Anna Marit segir við fréttastofu RÚV að flestir þeirra sem komnir hafi tengsl við Akureyri og tekur fram að það fólk sé einnig komið í Eyjafjarðarsveit. „Það er eiginlega ómögulegt að segja hvað von er á mörgum hingað en ég veit að á næstu dögum eru að koma alla vega tvær fjölskyldur í viðbót,“ segir hún við RÚV.
Jafnframt segir hún að það sé ekkert viðmið til staðar um hversu mörgum flóttamönnum sveitarfélagið geti tekið á móti. Það muni ráðast af húsnæðisaðstæðum.
„Við erum í mestu vandræðum með húsnæði. Það er bara skortur á húsnæði á Akureyri. Ef að stríðið dregst á langinn þá verður enn meiri húsnæðisskortur en nú þegar er og maður verður að vona að það verði drifið í að byggja.“
Akureyrarbær er eitt af fimm sveitarfélögum sem taka þátt í samræmdri móttöku flóttafólks.
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
