11. sept - 18. sept - Tbl 37
Um eitt þúsund gestir litu við í Svartárkoti
Um eitt þúsund manns lögðu leið sína í Svartárkot síðastliðinn sunnudag þegar haldið var upp á Beint frá býli daginn. Myndir aðsendar
Við vissum ekki við hverju var að búast þar sem kalt var í veðri og blautt en fjöldi gesta kom okkur svo sannarlega skemmtilega á óvart. Stemningin var líka svo góð, jákvæðni og gleði áberandi og þolinmæði gagnvart því að þurfa að bíða í röð eftir afgreiðslu,“ segir Guðrún Tryggvadóttir bóndi á Svartárkoti en þar var um liðna helgi tekið á móti gestum í tengslu við viðburðinn Beint frá býli dagurinn. Sá dagur var haldinn í öllum landshlutum, gestum bauðst að heimsækja einn þátttakenda í samtökunum og fræðast um framleiðsluna auk þess sem fleiri aðilar voru með sinn varning til sölu.
„Það var boðið upp á hágæðavörur frá mögnuðum framleiðendum hér á Norðausturlandi og það var var einstaklega ánægjulegt að vinna með þeim að þessum degi. Það er greinilega mikill áhugi á vörum beint frá býli og sívaxandi áhugi fólks á því að vita hvaðan maturinn kemur,“ segir Guðrún.
Vel heppnaður dagur
Oddný Anna Björnsdóttir framkvæmdastjóri Samtaka smáframleiðenda matvæla segir daginn svo sannarlega hafa stimplað sig inn sem árlegan viðburð, hann var nú haldinn í annað sinn og var vel heppaður líkt og í fyrra. Ríflega þriðjungur félagsmanna í Beint frá býli eða Samtökunum smáframleiðenda tók þátt á mörkuðum sem efnt var til að um helmingur þeirra er á lögbýli. Veðurfar var misjafnt milli landshluta, allt frá því að vera með ágætum og upp á aftakaveður sem vissulega hafði áhrif á mætingu. Í allt heimsóttu um 4.500 manns þá bæi sem tóku þátt, þar var voru um eitt þúsund sem komu við í Svartárkoti.
Umferð eins og á Miklubraut síðdegis á föstudegi
„Í raun hefði meira ekki endilega verið betra, því þá hefði hreinlega verið of troðið. Umferðin um hálendis- og fjallvegi að býlum gestgjafanna leit út eins og að hreppaflutningar stæðu yfir eða að maður væri staddur á Miklubrautinni síðdegis á föstudegi. Ætli við þurfum ekki að bjóða upp á sætaferðir næst,“ segir Oddný Anna. „Sala félagsmanna var að jafnaði eftir því og heyrði ég af félagsmanni sem seldi fyrir yfir hálfa milljón á þessum þremur klukkutímum!.“
Fjölmargir smáframleiðendur matvæla mættu með varning sinn í Svarárkot en greinilegt er að almenningur hefur vaxandi áhuga á að versla við þá sem búa til matvæli á býlum sínum.
Nýjast
-
Fréttatilkynning – Sniðgangan 14. september 2024
Sniðgangan 2024 verður gengin á höfuðborgarsvæðinu og Akureyri laugardaginn 14. september kl. 14:00. Sniðgangan 2024 verður farin til að vekja athygli á sniðgöngu fyrir Palestínu og mikilvægi þess að sniðganga Ísrael og ísraelskar vörur þar til stjórnvöld í Ísrael lúta alþjóðalögum og virða frelsi og réttindi Palestínumanna. Sniðganga er áhrifamikil og friðsamleg leið til að sýna palestínsku þjóðinni samstöðu og taka afstöðu gagnvart þeim sem hagnast á landráni, hernámi og stríðsglæpum ísraelskra stjórnvalda. -
Akureyrarvöllur - Vinna skal samkeppnislýsingu
Framtíðarnýting svæðisins sem í daglegu tali er nefnt Akureyrarvöllur var til umræðu á fundi skipulagsráðs í vikunni. -
Ævintýragarðurinn lokar eftir gott sumar
Ævintýragarðurinn við Oddeyrargötu 17 sem hefur verið opinn í allt sumar mun loka frá og með mánudeginum 16. september. -
Halló! Er einhver til í að hlusta?
Einstaklingum með heilabilunarsjúkdóma fer fjölgandi á Íslandi. Ástæðan er ekki sú að um faraldur sé að ræða heldur eru að eldast núna stórar kynslóðir eftirstríðsáranna og aldur er því miður einn af áhættuþáttum þess að þú fáir heilabilunarsjúkdóm. -
Svo læra börnin....
Það er ekki sjálfgefið að samfélagsumræða sem fram fer í kjölfar áfalla eða voðaverka leiði til farsællar niðurstöðu. Það getur verið erfitt að nálgast málefni af yfirvegun þegar hugurinn sveiflast milli sorgar, ótta og reiði. Og því miður sýnist mér að umræðan sem farin er af stað um vopnaburð barna eigi nokkuð í land með að verða þannig að líklegt sé að niðurstaða hennar verði farsæl. Mér sýnist kveða við kunnuglegan tón harðari viðurlaga, öflugra eftirlits og inngripa í friðhelgi einkalífs barna eða mokstur á nöfnum barna inn á biðlista heilbrigðiskerfisins þar sem þau bíða árum saman eftir þjónustu sem ekki er til. -
Göngum flýtt víða en sums staðar var það ekki hægt
„Þetta var ekki góð sending, að fá þessa öflugu haustlægð yfir okkur svo snemma hausts,“ segir Sigurgeir Hreinsson framkvæmdastjóri Búnaðarsambands Eyjafjarðar. Veður var afleitt í byrjun vikunnar og gular og appelsínugular viðvaranir í gildi. Bændur flýttu í einhverjum tilvikum göngum vegna veðursins. -
Þórssvæðið - knattspyrnuvöllur Nesbræður buðu lægst
Bæjarráð Akureyrar hefur samþykkt að taka lægsta tilboði í jarðframkvæmdir við gerð undirlags undir gervigras á knattspyrnuvöll á félagssvæði Þórs Akureyri. Fjögur tilboð bárust. Það lægsta var frá Nesbræðrum að upphæð tæplega 110 milljónir króna og hafði umhverfis- og mannvirkjaráð áður samþykkt að ganga til samninga við Nesbræður vegna verkefnisins. -
Hvað er að vera læs?
Fyrir áhugasöm þá munu Miðstöð skólaþróunar við Háskólann á Akureyri (MSHA) og Miðstöð menntunar og skólaþjónustu (MMS) standa fyrir læsisráðstefnu sem er gott innlegg inn í þann fjölda hugrenninga sem vakna þegar læsi ber á góma. -
Brostnir draumar og óbilandi von - Með kveðjum frá Gaza
Í kjölfar viðtals sem Vikublaðið tók við Kristínu S. Bjarnadóttur og birt var í blaðinu og á vef á dögunum hefur hefur nokkuð verið um það að okkur hafi borist skilaboð gegnum Facbook frá fólki í neyð á Gaza. Lýsingarnar eru sláandi og gefa mynd af stöðu sem mjög erfitt er fyrir okkur sem höfum áhyggjur af snjókomu í september að ímynda okkur hvernig sé. Ein af þeim sem hefur sent okkur skilaboð er May Ashqar gift kona og móðir. May Ashqar kýs að skrifa okkur að mestu í þriðju persónu og er það gott og vel.
Athugasemdir