Tónlist, gleði og góðgerðarmál í Íþróttahöllinni á Húsavík
Það er komið að árlegum jólatónleikum Tónasmiðjunnar, sem verða haldnir í Íþróttahöllinni á Húsavík þann 15. desember klukkan 16:00. Þetta er einstakt tækifæri til að komast í sannkallað jólaskap með fjölbreyttu úrvali af vinsælum og sígildum jólalögum, flutt af hæfileikaríkum tónlistarmönnum á öllum aldri.
Tónasmiðjan á Húsavík er vel þekkt meðal bæjarbúa fyrir sitt skapandi starf fyrir fólk á öllum aldri sem hefur áhuga á tómstundum, tónlist, söng og menningu. Elvar Bragason hefur starfrækt Tónasmiðjuna í sjö ár ásamt frænku sinni, Hörpu Steingrímsdóttur, og staðið fyrir fjölda stórra tónleikasýninga á ári hverju þar sem ágóði rennur til ýmissa velgjörðamála.
Flytjendur á öllum aldri
Elvar segir að listafólk Tónasmiðjunnar sé á öllum aldri og allir séu að verða mjög spenntir að koma fram. Meðfylgjandi myndir voru teknar á æfingu í vikunni og þar vantaði sko ekki kraftinn. Flytjendur voru vel samkeyrðir enda margir búnir að vera með Tónasmiðjunni frá upphafi. Elvar lofar mikilli fjölbreytni á efnisskránni: „Þetta er að verða svo magnað, þetta er orðið svo þétt og flott,“ segir Elvar hughrifinn og bætir við að metnaðurinn í öllu starfi Tónasmiðjunnar aukist bara ár frá ári.
Jólagestirnir í ár
Á tónleikunum munu koma fram stór hljómsveit, bakraddir, kór, einsöngvarar og dansarar, sem saman skapa ógleymanlega upplifun fyrir alla fjölskylduna. Meðal heiðursgesta eru Hrafnhildur Ýr Víglundsdóttir og Pálmi Gunnarsson, sem munu heilla áhorfendur með sínum einstaka flutningi. Sérstakir gestir eru Karlakórinn Hreimur og dansarar frá STEPS Dancecenter, sem munu bæta við hátíðlega stemningu með sínum frábæru frammistöðum.
Miðaverð er aðeins 3900 krónur, og ágóði af sýningunni rennur til Velferðarsjóðs Þingeyinga. Þetta er því ekki aðeins frábært tækifæri til að njóta tónlistar og dans, heldur einnig til að styðja við gott málefni í samfélaginu.
„Við hvetjum alla til að mæta og taka þátt í þessari hátíðlegu stund, þar sem tónlistin og gleðin munu fylla hjörtu okkar og koma okkur í jólaskap. Það er fátt betra en að njóta aðventunnar með fjölskyldu og vinum, og hvað er betra en að gera það með fallegri tónlist og skemmtilegum flutningi,“ segir Elvar og bætir við að lokum:
„Komdu og upplifðu jólin með okkur í Íþróttahöllinni á Húsavík þann 15. desember. Við hlökkum til að sjá þig þar."
Nýjast
-
Páskasólin
Það styttist í Páska og því við hæfi að birta þessa sögu, þeim til viðvörunar sem hyggjast stunda þann innflutta ósið að fela páskaegg. -
Fyrsta meistaravörnin í stafrænni heilbrigðistækni við Háskólann á Akureyri
Fyrsta meistaravörnin í stafrænni heilbrigðistækni við Háskólann á Akureyri í samvinnu við Háskólann í Reykjavík fór fram í byrjun vikunnar. Þar varði Hildur Andrjesdóttir lokaverkefni sitt; Stafræn heilbrigðistækni: Rannsókn á sjálfvirknivæðingu og sjónarhorni heilbrigðisstarfsmanna á Akureyri. -
Á skíðum skemmti ég mér........
Veðrið leikur við fólk og það fer ekki á mili mála að Hlíðarfjall hefur mikið aðdráttarafl hjá bæjarbúum og gestum sem hafa fjölmennt til bæjarins. -
Fræðsluelskandi doktor með hjartað í fyrirrúmi
Vísindafólkið okkar er mánaðarleg kynning á vísindafólkinu okkar. Margrét Hrönn Svavarsdóttir, prófessor við Hjúkrunarfræðideild, er vísindamanneskja aprílmánaðar. -
Listnáms- og hönnunarbraut VMA - Fengu litaljósakassa að gjöf
Fyrirtækið Sérefni færði listnáms- og hönnunarbraut Verkmenntaskólans á Akureyri góð gjöf, svonefndar litaljósakassa. -
Tölum saman
Það getur verið erfitt að átta sig á því hvernig fólkinu í kringum okkur líður og því er mikilvægt að hafa augun opin fyrir ákveðnum merkjum. Er viðkomandi hættur að hafa samband eða svara símtölum og skilaboðum? Hefur viðkomandi breytt venjum sínum eins og hætt að koma í sund, mæta á fundi eða sinna félagsstörfum? -
Sólarhringssund! Hvað er nú það?
Því get ég svarað. Sólarhringssund Óðins er elsta virka fjáröflun sundfélagsins. Það er þríþætt ef svo má segja. -
Sauðfjárræktarverðlaun BSE fyrir árið 2024 afhent á aðalfundi 2025
Sauðfjárverðlaun Búnaðarsambands Eyjafjarðar voru afhent á dögunum á aðalfundi sambandsins. Eyjafjörðru sátar af afar mörgun góðum búum svo sem kunngut er en að lokum stóð eitt uppi sem dómnefnd þótti best. Náttúruöflin eru nú ekki alltaf þau auðveldustu að eiga við og þekkjum við það vel sem hér á þessu blessaða skeri búum. Síðasta ár fór ómjúkum höndum um okkur. -
Listasafnið á Akureyri: Opið alla páskahátíðina
Listasafnið á Akureyri verður að venju opið alla páskahátíðina á hefðbundnum opnunartíma kl. 12-17, en nú standa yfir átta sýningar í tólf sölum safnsins.
