Tilhlökkun, gleði og spenna í loftinu
„Við hlökkum mikið til að halda leikana, það er mikil gleði í loftinu og spenna eftir tveggja ára bið,“ segir Fjalar Úlfarsson formaður Andrésarnefndar Skíðafélags Akureyrar um Andrésar Andar leikana sem fram fara í Hlíðarfjalli dagana 21. til 23. apríl næstkomandi. Um er að ræða stærsta skíðamót landsins með um eitt þúsund keppendum en þeim fylgja þjálfarar, farastjórar, foreldrar og fjölskyldur, þannig að gera má ráð fyrir að allt að þrjú þúsund manns sæki leikanna.
Andrésarleikarnir féllu niður síðastliðin tvö ár vegna kórónuveirunni, þannig að ekki er að undra að unga skíðamenn þyrsti í að sækja þessa vinsælu leika nú í ár. „Undirbúningur stendur sem hæst, þetta fer allt að smella hjá okkur en vissulega fylgir því mikil vinna að undirbúa svo umfangsmikið íþróttamót og Andrésarleikarnir eru,“ segir Fjalar.
Hætt við daginn fyrir leikana
Til stóð alveg fram á síðustu stundu í fyrra að halda leikana, en þeir voru blásnir af nánast korteri áður en þeir áttu að hefjast. „Við vorum með fund á þriðjudagskvöld, en jafnan byrja leikarnir með skrúðgöngu á miðvikudagskvöld. Staðan var tvísýn varðandi veiruna á þessum tíma og í samráði við sóttvarnaryfirvöld var ákveðið að hætta við þá daginn fyrir leikana. Það var allt klárt þannig að þetta var mjög gremjulegt en rétt ákvörðun í ljósi aðstæðna,“ segir hann.
Skráðir keppendur fengu í sárabætur sendan Andrésarpoka með alls kyns varningi. Alls voru í fyrra skráðir 963 keppendur til leiks og hafa að sögn Fjalars aldrei verið fleiri í sögu sem nær til ársins 1975 þegar fyrstu leikarnir fóru fram í Hlíðarfjalli. „Styrktaraðilar mótsins stóðu við bakið á okkur og gerðu okkur kleift að senda öllum smá glaðning.“
Allir boðnir og búnir að hjálpa
Fjalar segir að undirbúningur hafi gengið vel og nú séu lokametrarnir framundan. „Það er góður gangur í skráningum og útlit fyrir góða þátttöku, það lofar allt góðu og við bíðum eftirvæntingarfull eftir að leikarnir hefjist,“ segir hann.
Ríflega 100 manns vinna við leikana meðan á þeim stendur, sjálfboðaliðar frá Skíðafélaginu og eins starfsmenn Hlíðarfjalls. „Skíðafélag Akureyrar á virkilega góðan mannauð, allir boðnir og búnir að hjálpa til og margir sem leggja virkilega mikið á sig til að Andrésarleikarnir fari fram eins og best verður á kosið.“
Enn er þokkalega mikill snjór í Hlíðarfjalli og líkur á að töluvert verði enn eftir þegar kemur fram í apríl. „Við höfum ekki lent í vandræðum vegna snjóleysis frá því snjóframleiðslukerfið var tekið í notkun um árið, eftir það hefur aldrei verið skortur á snjó,“ segir Fjalar.
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
