„Til háborinnar skammar að hafa ekki upplýsingamiðstöð á Akureyri“
mth@vikubladid.is
„Það er til háborinnar skammar að ekki sé starfandi upplýsingamiðstöð fyrir ferðamenn á Akureyri,“ segir Sölvi Antonsson veitingamaður á Garún í Menningarhúsinu Hofi og fleiri stöðum. Hann sótti um styrk frá Akureyrarbæ til að setja slíka upplýsingamiðstöð upp í Hofi gegn því að bæjarfélagið veitti styrk á móti fyrir 3 til 4 stöðugildi. Bæjarráð hafnaði beiðni hans og segir Sölvi að engin útskýringa á þeirri höfnun hafi fylgt með.
„Ég er sjálfur ekki neitt sár yfir að fá ekki styrkinn, aðalatriðið er að þessi þjónusta sé í boði í bænum,“ segir Sölvi. Hann bendir á að mikill fjöldi ferðamanna sæki Akureyri heim allt árið um kring og gera megi ráð fyrir að þeim fari frekar fjölgandi en hitt. „Það er mikil umferð um Hof, þar eru salerni fyrir almenning, farþegar af skemmtiferðaskipum ganga hjá og strætó stoppar fyrir utan. Mitt starfsfólk er stöðugt að svara fyrirspurnum um eitt og annað, færð á vegum, göngustíga, hvar söfnin séu, um heilbrigðisþjónustu og bara hvað sem er. Ég er farinn að vísa fólki út í Ráðhús með sínar spurningar. Það er örugglega ekki vinsælt en við höfum annað að gera en svara fyrirspurnum frá ferðamönnum.“
Hann segir ferðamenn vana því að geta leiða á upplýsingamiðstöðvar með spurningar sínar, en nú sé fólk bara að spyrjast fyrir hér og hvar í bænum. „Ég var tilbúinn að setja slíka upplýsingamiðstöð upp í Hofi og hafa hana opna frá 8 á morgnana til 20 á kvöldin alla daga vikunnar en beiðni um að styrkja þá starfsemi sem nemur nokkrum stöðugildum var hafnað. Ég fékk engar skýringar á af hverju þessu var hafnað, en hef heyrt áform séu uppi um að setja upp einhverja standa og skjái þar sem fólk eigi að leita upplýsinga,“ segir Sölvi.
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
