6. nóvember - 13. nóvember - Tbl 45
„Þetta mun gjörbreyta öllu og færa okkur nær nútímanum“
Grímur Kárason slökkviliðsstjóri Norðurþings og Dagný Guðmundsdóttir framkvæmdastjóri Ólafs Gíslasonar & co, handsala samninginn ásamt slökkviliðsstjórum fjögurra annarra sveitarfélaga. Mynd/epe
Eins og greint hefur verið frá samþykkti sveitarstjórn Norðurþings nýverið viðauka til 3 ára fjárhagsáætlunar vegna kaupa á nýrri slökkvibifreið fyrir slökkvilið sveitarfélagsins.
Norðurþing tók þátt í útboði á vegum Ríkiskaupa ásamt sex öðrum sveitarfélögum vegna kaupa á slökkvibifreið. Eitt tilboð barst en það var frá Ólafi Gíslasyni & co fyrir hönd bjóðanda sem er Wiss í Póllandi. Bíllin sem um ræðir kostar 91 milljón króna og verður að sögn Gríms Kárasonar slökkviliðsstjóra Norðurþings afhentur síðari hluta næsta árs.
Skrifað var undir samninga vegna kaupanna í slökkvistöðinni á Húsavík um sl. helgi en þar voru fulltrúar fimm sveitarfélaga ásamt slökkviliðsstjórum saman komin.
Segir kaupin nauðsynleg
Grímur Kárason segist fagna þessum kaupum enda sé komin tími á endurnýjun á búnaði slökkviliðsins í Norðurþingi.
„Við erum í dag náttúrlega bara með leigubíl, sem við fengum frá slökkviliðinu á höfuðborgarsvæðinu. Með þessum kaupum fáum við bíl með meiri afkastagetu en sá sem við erum með í höndunum núna. Þetta mun gjörbreyta öllu og færa okkur nær nútímanum aftur í þessu,“ segir Grímur.
Hann bendir m.a. á að nýji bíllin sé búin öllum þeim útbúnaði sem slökkviliðið á svæðinu þurfi til að mæta þeirri áhættu sem er í sveitarfélaginu.
„Þessi bíll er t.d. með one7 froðukerfi sem er eina kerfið sem er vottað fyrir rafmagnselda. Við erum með stórt spennuvirki hér á svæðinu og háspennuvirki hjá PCC á Bakka. Þetta kerfi sem við fáum er vottað fyrir 100.000 volt. Það er einn af stóru plúsunum í þessu en svo er auðvitað bara öflug slökkvidæla fyrir vatn í bílnum. Þetta er einfaldlega vel útbúinn nútímalegur bíll,“ útskýrir hann og bendir á að í dag sé á mörkunum að slökkviliðið standist lögbundnar kröfur.
„Við þurfum að geta staðið skil á ákveðinni dælugetu miðað við þá áhættu sem er á svæðinu og við erum algjörlega á grensunni varðandi það með þeim búnaði sem við erum með. Þetta er gott skref inn í framtíðina því við erum með öll okkar tæki fjörgömul. Bíllin sem þessi er að leysa af hólmi er yfir 30 ára gamall,“ segir Grímur.
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
