Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar
Dekurdagar selja m.a. bleika slaufu og hafa viðbrögð verið mjög góð og vaxandi þátttaka bæði fyrirtækja og einstaklinga í að kaupa slíka slaufu og skreyta með henni utan við heimili eða vinnustaði. Vilborg Jóhannsdóttir kaupmaður í Centro fer nú fremst í flokki Dekurdagakvenna og hún hnýtti í alls 1000 slaufur nú í haust.
Þær bleiku setja svo sannarlega skemmtilegan svip á bæinn
Út og inn með firði
Lionskonur í Eyjafirði tóku að þessu sinni þátt í sölu á slaufunum og fóru þær því víða um Eyjafjörð. Sem dæmi seldi Lionsklúbburinn Sunna á Dalvík slaufur fyrir vel yfir hálfa milljón, Lionsklúbburinn Sif í Eyjafjarðarsveit seld fyrir tæplega 1,1 milljón króna og Ragnhildur Vestmann seldi slaufur í Ólafsfirði fyrir 260 þúsund.
Styrkurinn fæst að auki með þátttökugjöldum fyrirtækja og almennum styrkjum og ýmis fyrirtæki á svæðinu stóðu fyrir uppákomum þar sem fé var safnað og rann til söfnunarinnar.
„Þakklæti er varla nægilega sterkt lýsingarorð til að lýsa því hvað við erum þakklát fyrir stuðning Dekurdaga og þær frábæru konur sem hafa staðið á bak við þann viðburð og þær sem bætast hafa í hópinn. Við eru líka mjög þakklát fyrir þann stuðning sem við fáum úr okkar samfélagi, þetta er algjörlega ómetanlegt,“ segir Marta Kristín.
Skiptir okkur hjartans máli
Krabbameinsfélag Akureyrar og nágrennis eru félagasamtök sem rekin eru fyrir almannaheillafé. Félaginu er því nauðsynlegt að hafa stuðning í heimabyggð, en Dekurdagar einu stærstu bakhjalar félagsins. „Dekurdagar hafa ekki aðeins gefið félaginu stuðning með fjárhagstuðningi heldur einnig með því að gera félagið sýnilegt sem skiptir okkur hjartans máli. Það að Dekurdagar nái að safna þessum háu fjárhæðum ár eftir ár tökum við alls ekki sem sjálfsögðu,“ segir Marta Kristín. Hún bætir við að verslunarfólk er mikið spurt út í bleiku slaufurnar af ferðafólki, bæði innlendu og erlendu. „Þetta átak vekur ótrúlega mikla athygli,“ segir hún að lokum og bendir á að hægt sé að fylgjast með Krabbameinsfélaginu á Facebook.
Vilborg Jóhannsdóttir kaupmaður í Centro fer nú fremst í flokki Dekurdagakvenna og hún hnýtti í alls 1000 slaufur nú í haust.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
