Það sem Húsavíkingar gera best
„Kveðja frá Húsavík, þeim heillandi íslenska bæ á jaðri norðursins!
Fyrir hönd okkar 2.300 íbúa erum við í sjöunda himni og fögnum spennandi nýju beinu flugleiðinni milli Manchester og Akureyrar, sem er í aðeins 45 mínútna akstri frá bænum okkar. Þessi tenging er ekki bara ný leið—hún er tækifæri til að færa samfélög okkar nær saman.“
Svona byrjar kveðja frá Húsavíkingum til íbúa Manchester á Englandi sem er hluti af markaðsherferð sem Húsavíkurstofa með Örlyg Hnefil Örlygsson í broddi fylkingar stendur á bak við. Tilefnið er beint áætlunarflug easyJet til Akureyrar frá Manchester og London tvisvar í viku frá nóvember 2024 til mars 2025.
Það er ljóst að Norðlendingar munu njóta góðs af flugleiðinni en hún er gríðarlega mikilvæg fyrir vetrarferðaþjónustu í landsfjórðungnum.
Húsavíkingar sjá tækifæri í þessari samgöngubót og hafa nú gert það sem Húsavíkingar gera best til að vekja athygli á bænum sínum. Þeir hafa búið til myndband um Húsavík sem er beint sérstaklega að íbúum Manchester en myndbandið hefur nú þegar fengið yfir 40 þúsund deilingar.
Það er húsvíska kvikmyndafyrirtækið Castor media sem sá um framleiðslu myndbandsins fyrir Húsavíkurstofu. Upptökur og klipping var í höndum Rafnars Orra Gunnarssonar
Sjón er sögu ríkari:
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
