Takið skrefið til baka og endurhugsið forsendur
Hulda Elma Eysteinsdóttir, Halla Björk Reynisdóttir og Andri Teitsson skrifa
Óhætt er að segja að um fátt hafi verið meira rætt en áform Ásmundar Einars Daðasonar, Mennta- og barnamálaráðherra, um að sameina VMA og MA síðustu daga og sitt sýnist hverjum. Fyrirhuguð sameining er risastórt hagsmunamál fyrir sveitarfélagið og Norðurland allt.
Bæjarstjórn átti fund með ráðherra og skólastjórnendum daginn sem tilkynnt var um áformin, þar sem ráðherra fór yfir málið. Í umræðunum kom fram hjá skólameisturunum að forsenda sameiningar mætti alls ekki vera á rekstrarlegum forsendum einum saman, enda sýndi reynslan að slíkar sameiningar væru dæmdar til að mistakast. Bæjarfulltrúum hafði ekki gefist tími til þess að lesa skýrsluna sem liggur til grundvallar áframhaldandi vinnu fyrir fundinn en eftir lestur hennar er ekki laust við að ýmsar spurningar vakni og grunur um að það séu einmitt einungis rekstrarleg sjónarmið sem ráða för.
Í skýrslunni er talað um að megin tilgangur vegferðarinnar sé að efla framhaldskólana og auka fjölbreytni. Fram kemur að báðir skólar glími við rekstrarvanda „Ljóst er að fjárþörf skólanna er meiri en fjárlög leyfa við núverandi skipulag, skólarnir hafa báðir tekið við fleiri nemendum en þeir fá greitt fyrir sem setur skólana í erfiða stöðu“. Til þess að bregðast við þessu er bent á að með því að fækka starfsfólki, svo sem náms- og starfsráðgjöfum og sálfræðingum, megi draga úr kostnaði, ekki er útskýrt með hvaða hætti það geti eflt skólana eða bætt þjónustu við nemendur eða eru færri sálræn vandamál í stærri skólum – við teljum ekki. Ef ekki er hægt að reka bóknámsskóla með 600 nemendur svo að vel sé, eða verkmenntaskóla með 1200 nemendur þá er okkur vandi á höndum sem þjóð.
Ef Akureyri á að standa undir nafni sem "hin borgin" á Íslandi, er nauðsynlegt að geta haldið áfram að bjóða ungu fólki alls staðar að af landinu upp á tvo ólíka og sterka skóla. Það er mikilvægt fyrir Akureyri, Norðurland og landið í heild sinni.
Við bæjarfulltrúar L-listans viljum því skora á þau sem koma að þessari vinnu að taka skref til baka og endurhugsa forsendur þessarar vinnu sem lagt var upp með. Við förum fram á að þegar umbylta á þjónustu við íbúa þá sé það undirbúið og rökstutt betur, gert í samvinnu við þá sem á að þjónusta og að fólk gefi sér tíma. Það verður að vera einhver annar ávinningur í því að sameina en að leggja niður bekkjarkerfi, sameina bóknámsáfanga skólanna, fækka sálfræðingum og námsráðgjöfum. – gerum betur!
Bæjarfulltrúar L-listans;
Hulda Elma Eysteinsdóttir
Halla Björk Reynisdóttir
Andri Teitsson
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
