Svartfugl með öllu
„Ég á ekki auðvelt með að fara nákvæmlega eftir uppskrift og er mælieiningin „dass“ stundum mjög vel við hæfi að mínu mati,“ segir Hera Óðinsdóttir sölustjóri hjá Ásprenti sem sér um matarkrók vikunnar.
„Maðurinn minn hefur mjög gaman af því að skella sér á sjóinn og því hefur meðal annars töluvert af svartfugli ratað í frystikistuna okkar. Alls konar æfingar hafa farið fram í eldhúsinu en þessi uppskrift er sú sem okkur líkar best enn sem komið er og ætti að duga fyrir fjóra.“
Svartfugl:
Svartfuglsbringur af 5-6 fuglum, mjög vel fituhreinsaðar. Þær látnar liggja í grófu matarsalti í ca. 30 mín. Saltið síðan skolað af og bringurnar snöggsteiktar á háum hita úr olíu og „dass“ af smjöri. Eingöngu kryddað með svörtum pipar og kjötinu lokað. Ofninn hitaður í 220°C og bringurnar settar í eldfast mót og settar í ofninn í 3 mín, fatið tekið úr ofni og látið standa í aðrar 3 mín. þetta er endurtekið í þrígang, gott að láta bringurnar standa í smá stund áður en þær eru skornar í sneiðar.
Ofnbakað grænmeti:
Með þessu er gott að hafa ofnbakað grænmeti, gróft skorið, og ég vel að nota: rauða papriku sæta kartöflu broccoli rauðlauk gulrætur Makað í olíu og „dassi“ af flögusalti og svörtum pipar stráð yfir og bakað í ofni ca. 30 mín. eða þangað til grænmetið er orðið mjúkt. Á lokasprettinum bæti ég við sveppum og leyfi þeim að bakast með.
Sæt kartöflumús:
Sæt kartafla (meðalstór) soðin, ca. ½-1 teskeið af vanillusykri, „dass“ af púðursykri og einnig er mjög gott að fínmylja Cornflex og setja út í svona ca. lúkufylli, nota töfrasprotann eða hrærivélina til að vinna þetta saman. Hef hana ekkert flóknari en þetta J
Sósa:
Ég bæti aðeins vatni á pönnuna eftir að hafa steikt bringurnar og næ þar af leiðandi aðeins krafti af fuglinum í sósuna. Bæti við rjóma og alltaf gott að setja góðan ost og láta bráðna út í. Kjötkraft eftir þörf og ekki skemmir að setja aðeins rifsberjahlaup eins og eina til tvær teskeiðar og þykki hana svo. Allt er þetta smekksatriði hvers og eins – gott að smakka sósuna bara til.
Snittur:
Við höfum einnig látið taðreykja eitthvað af fugli fyrir okkur og þá gjarnan notað hann á t.d. snittur þegar eitthvað stendur til. Þá geri ég kalda hvítlaukssósu helst kvöldinu áður. Eins og fram hefur komið þá á ég ekki nákvæma uppskrift til en hlutföllin eru u.þ.b. svona:
4-5 msk. majones 1 msk. sýrður rjómi ca. ½ msk. hunang.
Hrært saman, aðeins salt og hvítur pipar
og pressa svo 3-4 stór hvítlauksrif út í.
Ég er mjög hrifin af hvítlauk og nota því vel af honum. Þessi sósa er mjög góð með tað- reyktum svartfugli. Í þessu tilfelli er ég með pönnuristað snittubrauð, hvítlaukssósu, spínat, reyktan svartfugl (spara hann ekki) og rifsberjahlaup.
Ég þykist vita að sælkerinn og ljúflingurinn hann Gunnar Níels Ellertsson lumi á einhverju spennandi og því skora ég á hann að deila því með okkur í næstu viku.
Nýjast
-
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni.
