Stuðmenn og Gærurnar í Samkomuhúsinu á Húsavík
Hið fornfræga leikfélag Framhaldsskólans á Húsavík, Píramus & Þispa er í þann mund að hlaða í enn einn söngleikinn en blaðamaður Vikublaðsins skellti sér á æfingu á dögunum og það var ekki um að villast, leikhæfileikar unga fólksins á Húsavík eru í hæstu hæðum og óhætt að lofa frábærri skemmtun þegar leikfélagið frumsýnir söngleikinn Með allt á hreinu í Samkomuhúsinu á Húsavík í kvöld klukkan 20.
Með allt á hreinu er söngleikur byggður á kvikmynd Stuðmanna frá árinu 1982. Karen Erludóttir leikstýrir en alls koma 33 nemendur að sýningunni. 26 leikarar og 6 sem sinna vinnu á bakvið tjöldin. „Það er á mjög mörgu að taka þegar sett er upp sýning eins og þessi svo leikarar hafa einnig gengið í hin ýmsu verk á bakvið tjöldin,“ segir Karen og bætir við að öll hafi þau lagt hönd á plóg til að láta allt ganga upp og eiga risa stórt hrós skilið.
Fáránlega gaman í vinnunni
Þá hefur Rakel Dögg Hafliðadóttir, kennari við FSH verið krökkunum til halds og trausts í þessu ferli. „Þetta ferli er búið að ganga ótrúlega vel, eiginlega bara lygilega vel. Krakkarnir eiga allan heiðurinn af því, því þau ganga bara í það sem þarf að gera og gera það með bros á vör. Það eru aldrei vandamál, bara lausnir og öll hjálpast að,“ segir Karen stolt og bætir við að með þannig hóp sé hægt að gera svo gott sem hvað sem og alltaf fáránlega gaman að mæta í vinnuna.
Þá segir Karen að helstu áskoranir í undirbúningsferlinu séu aðrar skuldbindingar krakkanna en þau hafa í allskonar að snúast meðfram námi og leiklist.
Ótrúleg keyrsla
„Það hefur valdið því sem veldur því að þau komast ekki alltaf á leikæfingu. Ég held að við höfum aldrei náð heilum degi í þessu ferli þar sem það vantaði ekki einhvern. Sá dagur er þó í vændum, en það er líka á sjálfri general prufunni. Það er í raun algjört lúxus vandamál, því auðvitað er frábært hvað krakkarnir eru virkir í mörgu öðru, en líka vegna þess að þau sýna hvort öðru svo mikinn skilning hvað þetta varðar. Það hleypur bara alltaf einhver í skarðið fyrir þann sem ekki komst svo hinir fái að minnsta kosti æfinguna og þannig hefur þetta bara rúllað undanfarnar vikur. Það eru því ansi mörg sem kunna texta annara, sem er í raun bara eitthvað sem allir græða á,“ útskýrir Karen og viðurkennir að þetta sé búið að vera mikil keyrsla undanfarnar vikur.
„Já, allir seinni partar og öll kvöld síðan í byrjun september og flestar helgar hafa líka farið í leikhúsið. En það er ekki að sjá að það sé komin einhver þreyta eða leiði í hópinn, en það er hinsvegar gífurleg tilhlökkun í að fá að sýna fólki afraksturinn af allri þessari vinnu,“ segir Karen og vonast til þess að Húsavíkingar og verðlauni þessi hæfileikaríku ungmenni með því að fjölmenna í leikhús.
Emjar enn af hlátri
„Ég hvet ég alla til að panta miða, það verður enginn svikinn af því. Leikritið er sprenghlægilegt, margir með leiksigur á sviðinu og flottir söngvarar að rúlla upp gömlu Stuðmannalögunum sem eru orðin hálf rótgróin í íslenskri menningu. En ég er ótrúlega spennt að fá að sitja í salnum með öðrum áhorfendum og heyra viðbrögðin. Þá kannski sérstaklega fyrir atriðum eins og skyggnilýsingum Dúdda, Stuðmannadansinum og Torfa Töframanni, svona til að nefna nokkur. Því eftir allan þennan tíma sit ég samt ennþá út í sal og emja af hlátri,“ segir Karen og blaðamaður getur staðfest það sem hún segir eftir að hafa verið viðstaddur hluta úr æfingu.
Þá segir Karen að stjórn Píramusar & Þispu hafi stungið upp á að setja þetta verk upp í ár. „Fyrir mér var það svokallaður “no brainer”, því þetta verk hentar þessum hóp fullkomlega. Og ég held að allir sem mæta á sýningu eigi eftir að geta tekið undir það með mér. Ég vona í það minnsta að áhorfendur labbi út og hugsi “vá hvað það var gaman,“ segir Karen að lokum.
Nýjast
-
Ég sækist eftir 1 sæti á framboðslista Sjálfstæðisflokksins
Ég hef ákveðið að sækjast eftir 1.sæti á framboðslista Sjálfstæðisflokksins í Norðausturkjördæmi í Alþingiskosningum 30. nóvember næstkomandi. Frá því að ég hlaut trúnað ykkar og kjör á Alþingi 2016 hef ég af af öllum kröftum verið að vinna að hag kjördæmis okkar og þjóðarinnar allrar. Áherslur mínar hafa allan þann tíma verið á þau grundvallarmál sem skipta mestu fyrir verðmætasköpun í landinu: Atvinnumál, lífskjör fólks og búsetuskilyrði í Norðausturkjördæmi, samgöngumál, heilbrigðismál, raforkumál, málefni ferðaþjónustunnar, landbúnaðarmál, sjávarútvegsmál, byggðamál, menntun og menningarmál og svo mætti lengi telja. Jafnframt hef ég haft trúnað Alþingis til að vinna að efnahagsmálum, ríkisfjármálum og utanríkismálum. Ég hef verið virkur í umræðum í öryggis og varnarmálum og leitt þátttöku íslands á erlendri grund í þeim efnum. Samgöngumál hafa verið sérstakt baráttumál enda má segja að ekkert skipti velferð fólks á landsbyggðinni meira máli en góðar og öruggar samgöngur. Reynsla og þekking er verðmæt í störfum á Alþingi. Með þátttöku minni og tengslum við atvinnulíf, við sveitarstjórnarmál og áralöng reynsla af þingmennsku hef ég öðlast skarpa sýn á þau málefni sem þurfa sérstaka athygli á vettvangi stjórnmála á næstu áru -
Líneik Anna hættir á þingi
Líneik Anna Sævarsdóttir, þingmaður Framsóknarflokksins í Norðausturkjördæmi, hefur ákveðið að gefa ekki kost á sér í komandi Alþingiskosningum. -
Öruggara Norðurland eystra
Miðvikudaginn 16. október formfestum við svæðisbundið samráð um varnir gegn ofbeldi og öðrum afbrotum á Norðurlandi eystra undir merkjum Öruggara Norðurland eystra. -
Um 65 tilkynningar um tjón vegna rafmagnstruflana á Akureyri
„Tjónstilkynningum heldur áfram að fjölga en þær eru nú orðnar rétt í kringum sextíu hér á Akureyri,“ segir Gunnur Ýr Stefánsdóttir skrifstofustjóri á skrifstofu forstjóra Norðurorku en fyrirtækið tekur við tilkynningum um tjón sem urðu á Akureyri vegna truflana í flutningskerfi Landsnets 2. október síðastliðinn. Rarik heldur utan um tjónstilkynningar utan Akureyrar. -
Hvernig velja framboðin á lista í Norðausturkjördæmi?
Flest framboðin í Norðausturkjördæmi munu stilla upp á lista sína. Undantekningin er Sjálfstæðisflokkurinn sem velur fimm efstu á kjördæmisþingi og Píratar sem halda prófkjör. Vinsælt er að koma saman í Mývatnssveit til að velja listana. -
Stuðmenn og Gærurnar í Samkomuhúsinu á Húsavík
Píramus & Þispa frumsýnir söngleikinn Með allt á hreinu -
Húsnæði fundið fyrir Kvennaathvarfið- Mikill léttir
„Þetta er mikill léttir og mikil gleði að málið er nú í höfn,“ segir Linda Dröfn Gunnarsdóttir framkvæmdastýra Kvennaathvarfsins en hún skrifaði fyrr í dag undir samning um leigu á húsnæði á Akureyri. Samningurinn er til þriggja ára. -
Sjálfstæðismenn velja á framboðslista á tvöföldu kjördæmisþingi
Ljóst er að kosið verður á milli minnst tveggja einstaklinga í oddvitasæti Sjálfstæðisflokksins í Norðausturkjördæmi. Valið verður á tvöföldu kjördæmisþingi á sunnudag. -
Jens Garðar Helgason býður sig fram sem oddviti Sjálfstæðisflokksins í Norðausturkjördæmi
Jens Garðar Helgason hefur tilkynnt framboð sitt til oddvita Sjálfstæðisflokksins í Norðausturkjördæmi í komandi þingkosningum. Jens Garðar, hefur langa reynslu af störfum í atvinnulífi og sveitarstjórn, segir framboðið byggt á þörf fyrir sterka forystu sem gæti betur hagsmuna Norðausturkjördæmis. „Ég hef alltaf haft mikinn áhuga á málefnum samfélagsins og trúi því að með sameiginlegu átaki getum við tryggt áframhaldandi framfarir og velferð í kjördæmi sem og landinu í heild,“ segir Jens Garðar. „Sjálfstæðisflokkurinn hefur alltaf verið sterkt hreyfiafl íslenskra stjórnmála og þjóðlífs. Ég vill leggja mitt af mörkum í baráttu fyrir framgangi sjálfstæðisstefnunnar," segir hann.
