Stórtónleikar XXX Rottweiler hunda og gesta í Íþróttahöllinni annað kvöld
,,Þar sem þetta er nú einu sinni 25 ára ártíð XXX Rottweiler ber að fagna grimmt og gríðarlega. Við hófum leikinn með því að stappa Laugardalshöllina í maí og endurtökum fíneríið með því að færa höfuðborg Norðurlands það sem allir voru sammála um að hafi verið sturluðustu tónleikar í manna minnum“ segir Erpur Eyvindarsson eða BlazRoca eftir atvikum. En annað kvöld verða stórtónleikar í Íþróttahöllinni á Akureyri með XXX Rottweiler og gestum þeirra og verður þar engu til sparað við að skapa alvöru viðburð.
Það er ekki leiðindunum fyrir að fara á tónleikum hjá BlazRoca
Gott lifir lengi
XXX Rottweiler er ekki nýtt band, hefði þér dottið í hug fyrir 24 árum þegar þú Kópavogsguttinn í slagtogi með Árbæingum sigruðu í Músíktilraunum að tæpum aldarfjórðungi seinna værir þú enn að með þessu drengjum? ,,Já þetta er ótrúlegt, en gott lifir lengi og við höfum vaxið meira og meira saman með árunum. Erum í raun ein af fáum hljómsveitum með áunnið Síams, samvaxnir frekar mikið.
Það eru ekki bara Rottweileringar sem stíga á sviðið því með þeim verða norðanmenn, hvernig kemur það til ? ,,Í Höllinni í vor vorum við með rjúkandi rjómann beint úr belju, það besta úr sýslunni, Blaffa, Birni, Röggu Hólm, Daniil auk fjölda glæsilegra gesta úr kjördæminu. Norðurland á svaðalega rappketti sem gefa öðrum héruðum ekkert eftir og það er heiður að Norðurlandsliðið, Úlfur úlfur, Emmsjé Gauti, Dj Lilja og Sankti Pétur fýri upp í festivalinu með okkur. Auk þess sem Blaffi og Birgir Hákon blessa samkunduna með sínum glæsibrag.“
Erpur bætir við ,, Mig grunar að þetta séu stærstu, dýrustu og tilkomumestu einstöku tónleikar sem hafa sést á Ak. Við erum að ferja með okkur þvílíka trukkahalarófu af græjum og glæsi- mannskap og meistara. Getum ekki beðið eftir að breyta Akureyri í Belfast!“
Er eitthvað meira framundan hjá hljómsveitinni? ,,Við erum í hljóðveri og hlökkum til að bera suddalegt bakkelsið á borð.“
Alls engin Tinder plús upplifun
Aukaspurning frá vefnum. Hvernig var svo að vera við landbúnaðarstörf á Naustum II hér í bæ? Ég var nokkur sumur og eitt þeirra sumarið áður en ég hóf nám í Menntaskólanum á Akureyri. Frænkurnar á Norðurlandi eru huggulegri í meira lagi og maður var strax byrjaður að plægja akurinn þá um sumarið og gekk prýðilega. Þar til þurfti að ferja kálf í slátrun inn í bæ. Það gekk þannig fyrir sig að kálfurinn var settur í poka bara með hausinn upp úr og ég átti svo að vakta meistarann í framsætinu á Trabant station sem var helsti fararskjótinn á Naustum ll.
Af einhverjum ástæðum keyrðum við niður Gilið og af einhverri tilviljun þurftu akkúrat þvílíku MA píurnar að vera að fara yfir göngubrautina, einmitt þegar ég sit í fjósagalla frammi í Trabant með fullan sekk af kálf í fanginu.
Þetta var alls engin Tinder plús upplifun, fáir sem fá að leggj’ann út á svona atriði grunar mig. Held að flest allt annað sé meira sexý sko!!!
En eins og með alla aðra þvælu, ég myndi gera þetta allt aftur, nokkrum sinnum á dag jafnvel“ segir Erpur að endingu.
Tónleikarnir hefjast kl 19 annað kvöld (föstudagskvöld) og er rétt að taka fram að yngri en 18 ára mega einungis mæta i fylgd með foreldrum eða forráðafólki.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
