Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær, fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum.
Fundir frá morgni til kvölds
Steinn Símonarson aðstoðarframkvæmdastjóri Ice Fresh Seafood, sem selur afurðir Samherja og fleiri fyrirtækja, segir að sýningin í ár hafi tekist einstaklega vel, líklega hafi gestir á bás félaganna aldrei verið fleiri en í ár.
„Við erum afskaplega ánægð, enda hefur verið stöðugur straumur gesta til okkar og starfsfólk okkar er með bókaða fundi frá morgni til kvölds. Þetta eru fundir með fulltrúum fyrirtækja sem hafa verið í viðskiptum við okkur í áratugi og svo fyrirtækjum sem eru að kynna sér afurðirnar sem við erum með á boðstólum. Básinn okkar er á tveimur hæðum og öll aðstaða er eins og best gerist. Veitingastaðurinn vekur mikil athygli, enda segjum við hiklaust að hann sé sá besti á sýningunni.“
Skálað að loknu góðu dagsverki. Frá vinstri: Gyða Birnisdóttir, Aron Gauti Magnússon, Auður Jónasdóttir, Birgir Össurarson, Ingibjörg Aradóttir, Hanna Dóra Hermannsdóttir, Lára Halldórsdóttir. Fyrir aftan: Celine Mathey, Jónas Baldursson.
Aðsóknarmet
Steinn segir að allt skipulag á básnum þurfi að vera hnitmiðað.
„Já, reynslan hefur kennt okkur að góður undirbúningur skilar sér í flestum tilvikum. Okkar markmið er ekkert sérstaklega að ganga frá samningum, heldur fyrst og fremst að treysta viðskiptasambönd. Sala, veiðar og vinnsla haldast í hendur, sem vill stundum gleymast í allri umræðunni heima á Íslandi um sjávarútveg. Þessi sýning er sú stærsta til þessa og gestir á básnum hafa aldrei verið fleiri en í ár, sem er virkilega ánægjulegt. Þegar sýningunni lýkur í kvöld, hefst svo undirbúningur fyrir næstu sýningu hérna í Barcelona, það er bara þannig,“ segir Steinn Símonarson.
Nýr matvælaráðherra heimsótti básinn
Meðal gesta á bás Samherja og Ice Fresh Seafood var Bjarkey Olsen Gunnarsdóttir matvælaráðherra. Hún ræddi við starfsfólk og gæddi sér á íslenskum sjávarafurðum. Einar Geirsson matreiðslumeistari og eigandi veitingastaðarins RUB 23 á Akureyri hefur í um tvo áratugi séð um matreiðslu á básum Samherja og svo er einnig að þessu sinni.
Frá vinstri: Einar Geirsson, Gyða Birnisdóttir, Celine Mathey, Bjarkey Olsen Gunnarsdóttir, Vincent Ribo
Leiðandi í framleiðslu hágæða fiskafurða
Þorsteinn Már Baldvinsson forstjóri Samherja segir að samkeppnin í alþjóðlegum sjávarútvegi sé hörð, því sé lykilatriði að kynna sem best frábært íslenskt hráefni og rækta traust viðskiptasambönd. „Básinn okkar er vel staðsettur og vel búinn á allan hátt. Persónuleg samskipti koma seint eða aldrei í stað rafrænna samskipta. Hérna hittum við persónulega svo að segja alla okkar viðskiptavini og treystum sambönd. Ég er afar stoltur af frábæru starfsfólki Samherja og Ice Fresh Seafood, sem leggur mikið á sig til að ná góðum árangri. Þessi sýning undirstrikar enn og aftur að Samherji er leiðandi í framleiðslu á hágæða fiskafurðum fyrir kröfuharða viðskiptavini.“
Það er samherji.is sem fyrst sagði frá
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
